ໄຂການໂອ້ລົມສົນທະນາອາຊຽນ-ອິນເດຍຄັ້ງທີ7
ທ່ານລັດຖະມົນຕີຊ່ວຍວ່າການກະຊວງການຕ່າງປະເທດ ອິນເດຍ Ani Wadhwa ກ່າວຄຳເຫັນໄຂວາລະປະຊຸມ
(ພາບ: Minh Lý-Đăng Chính/TTXVN)
|
(vovworld) – ດ້ວຍຫົວຂໍ້ວ່າ “ອາຊຽນ - ອິນເດຍ: ກຳນົດໂຄງການດຳເນີນງານຫຼັງປີ2015”, ການໂອ້ລົມສົນທະນາດຳເນີນໄປໃນລະຫວ່າງວັນທີ 11 – 12/3, ຢູ່ ນິວເດລີ, ເຊິ່ງລວມມີຫຼາຍວາລະປຶກສາຫາລືກ່ຽວກັບການເມືອງ, ປ້ອງກັນຄວາມສະຫງົບ ແລະ ເສດຖະກິດ ລະຫວ່າງ ອາຊຽນ - ອິນເດຍ. ໃນວັນໄຂ, ບັນດາປະເທດປຶກສາຫາລື 2 ຫົວຂໍ້ “ສ້າງການເຊື່ອມຕໍ່ລະຫວ່າງ ອິນເດຍ ແລະ ອາຊຽນ” ແລະ “ທິດທາງໃນອະນາຄົດກ່ຽວກັບການຮ່ວມມືຍຸດທະສາດ ອິນເດຍ - ອາຊຽນ”. ກ່າວຄຳເຫັນໄຂວາລະປະຊຸມ, ທ່ານລັດຖະມົນຕີຊ່ວຍວ່າການກະຊວງການຕ່າງປະເທດ ອິນເດຍ ຮັບຜິດຊອບກ່ຽວກັບທິດຕາເວັນອອກ Ani Wadhwa ໃຫ້ຮູ້ວ່າ: ຄວາມສາມາດບົ່ມຊ້ອນ ແລະ ຂອບຂະໜາດການພົວພັນຮ່ວມມື ອິນເດຍ - ອາຊຽນ ພັດທະນານັບມື້ນັບແຂງແຮງ. ຕາມທ່ານ Ani Wadhwa ແລ້ວ, ບັນດາສັນຍາກ່ຽວກັບຄວາມເສລີດ້ານການຄ້າໃນການບໍລິການ ແລະ ການລົງທຶນທີ່ຫາກໍ່ໄດ້ລົງນາມໃນປີ 2014 ແລະ ອາດຈະຜັນຂະຫຍາຍການປະຕິບັດໃນທ້າຍປີນີ້ຈະແມ່ນກຳລັງໜູນໃຫຍ່ສຳລັບການຄ້າ ແລະ ການລົງທຶນລະຫວ່າງ ອິນເດຍ - ອາຊຽນ. ການສະຖິຕິສະແດງໃຫ້ເຫັນວ່າ: ວົງເງິນການຄ້າລະຫວ່າງ ອິນເດຍ ແລະ ອາຊຽນ ໃນປີ 2013 – 2014 ບັນລຸເກືອບ 75 ຕື້ USD, ເພີ່ມຂຶ້ນປະມານ 22%/ປີ ໃນ 10 ປີຜ່ານມາ. ການນຳບັນດາປະເທດ ອາຊຽນ ແລະ ອິນເດຍ ວາງຄາດໝາຍຍົກວົງເງິນການຄ້າ 2 ສົ້ນຂຶ້ນເຖິງ 100 ຕື້ USD ໃນປີ 2015.