ບັນດາຜູ້ແທນຕັດແຖບຜ້າໄຂງານຕະຫຼາດນັດ
(ພາບ: baomoi)
|
(vovworld)- ຕອນຄ່ຳວັນທີ 12/12, ຢູ່ສູນການຄ້າ ຮົ່ງເວີນ, ນະຄອນມ້ອງກ້າຍ, ແຂວງ ກວາງນິງ ໄດ້ໄຂງານຕະຫຼາດນັດການຄ້າ-ການທ່ອງທ່ຽວສາກົນຫວຽດນາມ-ຈີນ 2013. ນີ້ແມ່ນການເຄື່ອນໄຫວປະຈຳປີໂດຍຄະນະກຳມະການປະຊາຊົນນະຄອນມ້ອງກ້າຍ ສົມທົບກັບອຳນາດການປົກຄອງປະຊາຊົນຕຸງຊິງ, ແຂວງກວາງສີ ປະເທດຈີນ. ດ້ວຍຫົວຂໍ້ “ ຮ່ວມມື-ມິດຕະພາບ, ພ້ອມກັນເຊື່ອມໂຍງເຂົ້າກັບສາກົນ ແລະ ພັດທະນາ” ງານຕະຫຼາດນັດຄັ້ງນີ້ໄດ້ດຶງດູດການເຂົ້າຮ່ວມຂອງກ່ວາ 400 ຮ້ານວາງສະແດງຂອງ 230 ວິສາຫະກິດທີ່ມາຈາກ 30 ທ້ອງຖິ່ນຂອງຫວຽດນາມ ແລະ ຈີນ. ບັນດາປະເພດສິນຄ້າທີ່ນຳມາວາງສະແດງຕົ້ນຕໍແມ່ນ : ຜະລິດຕະພັນກະເສດ,ເຄື່ອງປ່າຂອງດົງ, ສິນໃນນ້ຳ, ສິນທະເລ, ເຄື່ອງສິລະປະຫັດຖະກຳ, ເຄື່ອງປັ້ນດິນເຜົາ, ເຄື່ອງເຟີນີເຈີ, ພາຫະນະເຄືອ່ງຈັກ, ເຄື່ອງເອເລັກໂຕນິກ..... ທ່ານ ຫງວຽນວັນແທ່ງ ຮອງປະທານຄະນະກຳມະການປະຊາຊົນແຂວງ ກວາງນິງ ໃຫ້ຮູ້ວ່າ :
“ ງານຕະຫຼາດນັດຄັ້ງນີ້ ແມ່ນກາລະໂອກາດທີ່ດີເພື່ອຊຸກຍູ້ການເຄື່ອນໄຫວການຄ້າ, ເພີ່ມທະວີການເຊື່ອມໂຍງເຂົ້າກັບສາກົນ, ສ້າງກາລະໂອກາດໃຫ້ແກ່ບັນດາວິສາຫະກິດທັງຢູ່ພາຍໃນ ແລະ ຕ່າງປະເທດໄດ້ແຊກຊຶມ, ເປີດກ້ວາງຕະຫຼາດ. ນີ້ແມ່ນໂອກາດເພື່ອໃຫ້ບັນດາວິສາຫະກິດພ້ອມກັນພົບປະ, ແລກປ່ຽນ, ເພີ່ມທະວີຄວາມເຂົ້າອົກເຂົ້າໃຈຊຶ່ງກັນ ແລະ ກັນ. ຈາກນັ້ນ, ຊອກຫາບັນດາສາຍສຳພັນ, ຮ່ວມລະກິດ, ຮ່ວມມືເພື່ອພ້ອມກັນພັດທະນາ”