(vovworld) - ຕອນບ່າຍວັນທີ 14/12, ງານວາງສະແດງຮູບຖ່າຍ “20 ປີແຫ່ງການພົວພັນມິດຕະພາບຫວຽດນາມ ສ.ເກົາຫຼີ” ໄດ້ໄຂຂຶ້ນຢູ່ທີ່ຮ່າໂນ້ຍ. ງານວາງສະແດງ ໄດ້ນະນຳຮູບຖ່າຍ 75 ແຜ່ນໃນຈຳນວນຮູບຖ່າຍນັບຮ້ອຍແຜ່ນ ທີ່ສ່ອງແສງການພົວພັນຮ່ວມມືມິດຕະພາບລະຫວ່າງຫວຽດນາມ - ສ.ເກົາຫຼີ ຢ່າງຮອບດ້ານ. ເນື້ອໃນຂອງບັນດາຮູບຖ່າຍແມ່ນທິວທັດພາບທຳມະຊາດທີ່ສວຍງາມ, ມີຊີວິດຊີວາກ່ຽວກັບປະເທດສ.ເກົາຫຼີ, ທີ່ມີໄລຍະປະຫວັດສາດ ແລະ ວັດທະນະທຳ ມີມາແຕ່ດົນນານ, ດ້ວຍບັນດາຊາວສ.ເກົາຫຼີ ແມ່ນຜູ້ທີ່ໃກ້ຊິດສະນິດສະໜົມ, ຮັກແພງແຂກຄົນ.
ກ່ອນນ້ານັ້ນ, ວັນທີ 30/11 ຜ່ານມາ, ກໍໄດ້ຈັດງານວາງສະແດງຄ້າຍຄືກັນຢູ່ ເຊີອູນ, ເພື່ອໂຄສະນາກ່ຽວກັບປະເທດຊາດ ແລະ ຊາວຫວຽດນາມ, ກໍຄືການຮ່ວມມືຢ່າງມີປະສິດທິຜົນລະຫວ່າງສອງປະເທດໃນບັນດາຂົງເຂດການເມືອງ ການຕ່າງປະເທດ, ເສດຖະກິດ, ວັດທະນະທຳ ສັງຄົມ.