ໄຂ“ຊຸມວັນຫວຽດນາມ”ຢູ່Genoa,ອີຕາລີ
ພາບປະກອບ
(vovworld) – “ຊຸມວັນຫວຽດນາມ” ຢູ່ Genoa ໄດ້ຮັບການເປີດສາກດ້ວຍງານວາງສະແດງຮູບຖ່າຍ “ຫາຍຟ່ອງ - Genoa, 2 ນະຄອນ ປະຫວັດສາດດຽວ”. Genoa ແມ່ນນະຄອນແຮກສ່ຽວກັບນະຄອນ ຫາຍຟ່ອງ. ນ້ຳໃຈສາມັກຄີລະຫວ່າງປະຊາຊົນ ແລະ ອຳນາດການປົກຄອງ 2 ນະຄອນໄດ້ເລີ່ມມາຈາກຊຸມເດືອນປີສົງຄາມກ່ອນນີ້. ຂະບວນການກຳມະກອນທ່າກຳປັ່ນ Genoa ສະໜັບສະໜູນປະຊາຊົນ ຫວຽດນາມ ຕ້ານສັດຕູຜູ້ຮຸກຮານໄດ້ຮັບການປຸກລະດົມຢ່າງແຮງ ແລະ ກ້ວາງຂວາງໃນຫຼາຍປີ, ກ່ອນນີ້ 40 ປີ, ວັນທີ 17/11/1973, ກຳປັ່ນ Australe ທີ່ຂົນສົ່ງເຄື່ອງຂອງທີ່ຈຳເປັນ, ຢຸກຢາ ແລະ ອຸປະກອນການຮຳ່ຮຽນ 500 ໂຕນເຊິ່ງປະຊາຊົນ ອີຕາລີ ມອບໃຫ້ປະຊາຊົນ ຫວຽດນາມ, ໄດ້ທຽບທ່າກຳປັ່ນຫາຍຟ່ອງ, ກາຍເປັນສັນຍາລັກແຫ່ງນ້ຳໃຈມິດຕະພາບລະຫວ່າງປະຊາຊົນ 2 ປະເທດ. ນອກຈາກງານວາງສະແດງຮູບຖ່າຍ, ຢູ່ Genoa ຍັງຈັດຕັ້ງກອງປະຊຸມສຳມະນາກ່ຽວກັບການຮ່ວມມືເສດຖະກິດລະຫວ່າງ ຫວຽດນາມ ກັບ Genoa, ລາຍການສາຍຟິມຮູບເງົາກ່ຽວກັບ ຫວຽດນາມ, ການພົບປະແລກປ່ຽນລະຫວ່າງບັນດາປັກຍາຊົນ Genoa ທີ່ເຄີຍເຂົ້າຮ່ວມຂະບວນການສະໜັບສະໜູນ ຫວຽດນາມ ກ່ອນນີ້ 40 ປີກັບປະຊາຊົນນະຄອນ ແລະ ການໂອ້ລົມສົນທະນາທີ່ມີຊື່ວ່າ “ຫວຽດນາມ, ມື້ວານນີ້ ແລະ ມື້ນີ້”. “ຊຸມວັນຫວຽດນາມ ຢູ່ Genoa” ຈະແກ່ຍາວຮອດວັນທີ 1/12 ຈະມາເຖິງ.