(ພາບປະກອບ)
(vovworld) - ວັນທີ 10/7, ມີຊາວໜຸ່ມອາສາສະໝັກຂອງນະຄອນ ໂຮ່ຈີມິນ ໄດ້ເດີນທາງໄປຍັງປະເທດ ສປປ ລາວ ເພື່ອປະຕິບັດການເຄື່ອນ ໄຫວອາສາສະໝັກຍາມລະດູຮ້ອນ. ລາຍການໄດ້ຮັບການປະຕິບັດນັບແຕ່ ນີ້ເຖິງວັນທີ 21/7 ຢູ່ແຂວງ ອັດຕະປື ແລະ ຈຳປາສັກ, ດ້ວຍການເຄືອ່ນ ໄຫວທີ່ມີຄວາມໝາຍຫຼາຍຢ່າງ, ນຳມາເຊິ່ງປະສິດທິຜົນຢ່າງແທດຈິງໃຫ້ ປະຊາຊົນທ້ອງຖີ່ນ. ບັນດາໜ່ວຍອາສາສະໝັກຈະຈັດຕັ້ງການກວດພະ ຍາດ, ແຈກຢາຍຢາໂດຍບໍ່ເສຍຄ່າໃຫ້ປະຊາຊົນປະສົບກັບຄວາມຫຍຸ້ງຍາກ; ມອບຕູ້ຢາໃຫ້ສຸກສາລາຢູ່ບ້ານຕ່າງໆ; ຈັດຕັ້ງການແບ່ງປັນບົດຮຽນໃນການກວດ ແລະ ປິ່ນປົວພະຍາໃຫ້ພະນັກງານການແພດທ້ອງຖີ່ນ; ອົບຮົມບົດຮຽນກ່ຽວກັບການປູກຝັງ, ລ້ຽງສັດ, ການນຳໃຊ້ວິທະຍາສາດໃນການຜະລິດກະສິກຳໃຫ້ແກ່ຊາວທ້ອງຖີ່ນ. ຕາມຄະນະຊາວໜຸ່ມນະຄອນ ໂຮ່ຈິມິນແລ້ວ, ບັນດາການເຄືອ່ນໄຫວເຫຼົ່ານັ້ນ ເພື່ອແນໃສ່ເສີມຂະຫຍາຍຄວາມສາມັກຄີລະຫວ່າງສະມາຊິກຊາວໜຸ່ມ, ຊາວໜຸ່ມສອງປະເທດ, ປະກອບສ່ວນສ້າງຄວາມສາມັກຄີມິດຕະພາບລະຫວ່າງປະຊາຊົນຫວຽດນາມ - ລາວ, ຜ່ານນັ້ນເພີ່ມທະວີການເຄື່ອນໄຫວພົບປະແລກປ່ຽນກັບຕ່າງປະເທດຂອງສະມາຊິກຊາວໜຸ່ມ, ຊາວໜຸ່ມນະຄອນ ໂຮ່ຈີມິນໃນວິວັດແຫ່ງການເຊື່ອມໂຍງ, ປະຕິບັດລາຍການຮ່ວມມືພັດທະນາເສດຖະກິດ, ວັດທະນະທຳ, ສັງຄົມລະຫວ່າງນະຄອນ ແລະ ບັນດາທ້ອງຖີ່ນຂອງລາວ.