(vovworld) - ຕອນຄຳ່ວັນທີ 6/1, ຢູ່ຮ່າໂນ້ຍ, ຄະນະຊາວໜຸ່ມນະຄອນຫຼວງ ຮ່າໂນ້ຍ ສົມທົບກັບສະມາຄົມນັກສຶກສາ ຮ່າໂນ້ຍ ຈັດຕັ້ງລາຍການ “ຊົມເຊີຍຜົນງານປີ 2012 - ຕ້ອນຮັບປີໃໝ່ 2013”. ໃນລາຍການ “ຊົມເຊີຍຜົນງານປີ 2012 - ຕ້ອນຮັບປີໃໝ່ 2013”, ຄະນະຊາວໜຸ່ມຮ່າໂນ້ຍ ໄດ້ມອບໃບຍ້ອງຍໍໃຫ້ແກ່ 19 ຫົວໜ່ວຍທີ່ດີເດັ່ນຢ່າງຮອບດ້ານໃນວຽກງານຊາວໜຸ່ມ ແລະ ຂະບວນການເຍົາວະຊົນນະຄອນຫຼວງປີ 2012; ເລຂາຄະນະຊາວໜຸ່ມດີເດັ່ນ 40 ຄົນຂອງຄະນະຊາວໜຸ່ມຮາກຖານ, ຍ້ອງຍໍສັນລະເສີນ 10 “ແບບຢ່າງຊາວໜຸ່ມນະຄອນຫຼວງທີ່ດີເດັ່ນ”. ກ່າວຄຳເຫັນທີ່ພິທີ, ເອື້ອຍ ຫງວຽນທິຫງ່າ, ເລຂາຄະນະຊາວໜຸ່ມນະຄອນຫຼວງ ຮ່າໂນ້ຍ ເນັ້ນໜັກວ່າ:
“ຄະນະປະຈຳຄະນະຊາວໜຸ່ມນະຄອນຫຼວງ ຮ່າໂນ້ຍ ສະເໜີໃຫ້ບັນດາພະນັກງານຄະນະຊາວໜຸ່ມສຸມໃສ່ຜັນຂະຫຍາຍມະຕິຂອງກອງປະຊຸມໃຫຍ່ ດ້ວຍລາຍການເຄື່ອນໄຫວຕະຫຼອດອະຍຸການ ແລະ ລາຍການວຽກງານຊາວໜຸ່ມ. ຂະບວນການຊາວໜຸ່ມເຍົາວະຊົນ 2013, ດ້ວຍຫົວຂໍ້ “ຍົກສູງຄຸນນະພາບວຽກງານສຶກສາຊາວໜຸ່ມ”. ປະຕິບັດ 2 ຂອດບຸກທະລຸຢ່າງມີປະສິດທິຜົນ ນັ້ນແມ່ນ ຍົກສູງຄຸນນະພາບຂອງການດຳເນີນຊີວິດຂອງໜ່ວຍຊາວໜຸ່ມ, ສ້າງວັດທະນະທຳທີ່ດີງາມໃນການປະພຶດ, ສະຕິການປະຕິບັດກົດໝາຍໃນໝູ່ຊາວໜຸ່ມນະຄອນ. ພວກເຮົາເຊື່ອໝັ້ນວ່າຈະມີຊາວໜຸ່ມນະຄອນຫຼວງສະໄໝໃໝ່ຫຼາຍຄົນ, ມີຮາກຖານຊາວໜຸ່ມທີ່ເຂັ້ມແຂງຮອບດ້ານ, ຫຼາຍແຫ່ງທີ່ຈະປະກອບສ່ວນກໍ່ສ້າງນະຄອນຫຼວງ ແລະ ປະເທດຊາດໃຫ້ສວຍງາມ, ຮັ່ງມີ, ວັດທະນາຖາວອນ.”