(ພາບປະກອບ)
(vovworld) - ທ່ານນາຍົກລັດຖະມົນຕີ Nguyen Tan Dung ຫາກໍ່ເຊັນອະນຸມັດ ນະໂຍບາຍຊົດເຊີຍ, ໜູນຊ່ວຍ ແລະ ຕັ້ງບ່ອນຢູ່ອາໄສຄົງທີ່ຄືນໃໝ່, ໃຫ້ໂຄງການພັດທະນາຕົວເມືອງຢູ່ລຽບຕາມເຂດອະນຸພາກພື້ນແມ່ນ້ຳຂອງກູ້ຢືມທຶນຈາກທະນາຄານພັດທະນາອາຊີ (ADB). ຕາມນັ້ນແລ້ວຄະນະກຳມະການປະຊາຊົນແຂວງ ກວາງຈີ້, ໄຕນິງ ຊີ້ນຳ ແລະ ປະຕິບັດການຊົດເຊີຍ, ໜູນຊ່ວຍ, ສ້າງບ່ອນຢູ່ຄົງທີ່ໃຫ້ແກ່ເປົ້າໝາຍທີ່ຮັບຜົນສະທ້ອນຈາກໂຄງການໃຫ້ຖືກກັບຂໍ້ກຳນົດ. ບັນດາການເຄື່ອນໄຫວຕົ້ນຕໍ່ຂອງໂຄງການພັດທະນາບັນດາຕົວເມືອງຢູ່ລຽບຕາມເຂດລຸ່ມແມ່ນ້ຳຂອງລວມມີການປັບປຸງ, ເປີດກວ້າງເສັ້ນທາງຄົມມະນາຄົມໃນເຂດຕົວເມືອງ, ກໍ່ສ້າງໂຮງງານບຳບັດນ້ຳເສຍ, ປ້ອງກັນຄັນຄູ, ເປີດກວ້າງລະບົບສະໜອງນ້ຳ, ກໍ່ສ້າງເຂດບັນຈຸສິ່ງເສດເຫຼືອທີ່ຮັບປະກັນຫຼັກອະນາໄມ, ເພີ່ມທະວີຄວາມສາມາດຄຸ້ມຄອງຕົວເມືອງ ແລະ ວາງແຜນສັງລວມນະຄອນ ດົງຮ່າ.