ຫງວຽນທິແອັວງ ໄດ້ຮັບລາງວັນນັກກິລາດີເດັ່ນທົ່ວປະເທດປີ 2019

ໃນຊີເກມ 30 ຮູບພາບນາງສາວດ້ວຍຄວາມສູງພຽງ 1,48 ແມັດເທົ່ານັ້ນ ແຕ່ລາວແລ່ນໄວທີ່ສຸດ ອັນໄດ້ເຮັດໃຫ້ຜູ້ຊົມທັງຫຼາຍມີຄວາມຕົກສະເງິ ແລະ ຄະນະຈັດຕັ້ງກໍ່ມີຄວາມສົງໄສ ແລະ ໄດ້ສະເໜີ ແອັວງ ຕ້ອງກວດສານ ໂດບິງ ເປັນສາມຄັ້ງ. ນັກກິລາ ຫງວຽນທິແອັວງ ໄດ້ເວົ້າດ້ວຍຄວາມຕື້ນຕັນໃຈ ເມື່ອສາມາດທຳລາຍສະຖີຕິ ຊີເກມ ດ້ວຍລາຍການແລ່ນຂ້າມສິ່ງກີດຂວາງ 3.00 ແມັດວ່າ:

      “ຂອບໃຈນຳສຸຂະພາບຮ່າງກາຍຂອງນ້ອງ ທີ່ໄດ້ໃຫ້ນ້ອງມີຄວາມມານະອົດທົນຈົນຮອດວິນາທີນີ້. ກ່ອນທີ່ຈະກ້າວເຂົ້າສູ່ການແຂ່ງຂັນໃນລາຍການນີ້ ນ້ອງເກືອບຄືວ່າໝົດກຳລັງ. ໃນການແຂ່ງຂັນສອງຄັ້ງກ່ອນ ນ້ອງກໍ່ຖືກສະເໜີໄປກວດສານກະຕຸ້ນ ໂດບິງ ນ້ອງກໍ່ຕ້ອງຫາຍໃຈເລິກ ເພື່ອສຸມກຳລັງທັງໝົດໃນການແຂ່ງຂັນ”.

       ໝາກຜົນທີ່ບັນລຸໄດ້ໃນວັນນີ້ ກໍ່ແມ່ນຍ້ອນທັງໄລຍະທາງແຫ່ງຄວາມມານະອົດທົນ, ພະຍາຍາມຂອງນາງສາວ ຫງວຽນທິແອັວງ. ນາງໄດ້ມີຄວາມເມົາມົວຫຼິ້ນກິລາແຕ່ຍັງນ້ອຍ, ຍ້ອນມີພອນສະຫວັນດັ່ງນັ້ນ ແອັວງ ໄດ້ຮັບການເລືອກເຟັ້ນ ແລະ ສຸມໃສ່ກໍ່ສ້າງ. ພາຍຫຼັງໄດ້ຮັບລາງວັນຮອງຊະນະເລີດ ທີ່ງານແຂ່ງຂັນແລ່ນ ແລະ ລານທົ່ວແຂວງ ປີ 2010, ແອັວງ ໄດ້ຮັບການເລືອກເຟັ້ນຈາກສູນຝຶກແອບ ແລະ ແຂ່ງຂັນກິລາກາຍຍະກຳແຂວງ ບັກຢາງ ເຂົ້າຝຶກແອບໃນທີມແລ່ນ ແລະ ລານພອນສະຫວັນ  ແລະ ຕໍ່ມາແມ່ນເຂົ້າຮ່ວມທີມແລ່ນ ແລະ ລານຂອງແຂວງ. ແອັວງ ໄດ້ຮັບນາມມະຍົດ ແຊມປຽນ ລະດັບຊາດນັບແຕ່ຄາວຍັງນ້ອຍ ແລະ ໄດ້ເຂົ້າຮ່ວມກັນແຂ່ງຂັນທີ່ມີຂອບຂະໜາດໃຫຍ່ ແລະ ສາມາດຍາດໄດ້ບັນດາຜົນງານດີເດັ່ນ. ແຕ່ກ່ອນນີ້ສອງສາມປີ, ແອັວງ ຖືກຕິດພະຍາດໝາກໄຂ່ຫຼັງຮຸນແຮງ ດັ່ງນັ້ນລາວຕ້ອງນອນໂຮງໝໍ ເພື່ອປິ່ນປົວ. ພາຍຫຼັງອາການເຈັບເປັນໄດ້ຫາຍໄດ້ ແອັວງ ໄດ້ຖືກຮຽກໂຮມເຂົ້າຮ່ວມທີມຊາດ ແລະ ລາວສາມາດຄວ້າໄດ້ຫຼຽນຄຳຫຼາຍດວງ ໃຫ້ແກ່ກິລາແລ່ນ ແລະ ລານ ຫວຽດນາມ. ນາງ ຫງວຽນທິເຮື່ອງ ຜູ້ເປັນແມ່ຂອງນັກກິລາ ຫງວຽນທິແອັວງ ເລົ່າຄືນສູ່ຟັງວ່າ:

     “ເວລາ ແອັວງ ຖືກຕິດພະຍາດ, ຄອບຄົວກໍ່ເປັນຫວ່ງທີ່ສຸດ. ທັງຄອບຄົວກໍ່ສະໜັບສະໜູນຕໍ່ພາລະກິດກິລາຂອງນ້ອງ ຍ້ອນຄວາມສູ້ຊົນ, ຄວາມສາມາດທີ່ ແອັວງ ສ້າງຂຶ້ນໃຫ້ແກ່ຕົນເອງ, ທັງຄອບຄົວ, ອ້າຍເອື້ອຍນ້ອງ ໝູ່ເພື່ອນກໍ່ຍັງຄົງລະດົມກຳລັງໃຈເພື່ອໃຫ້ ແອັວງ ປະສົບຜົນສຳເລັດໃນວັນນີ”.

      ດ້ວຍຄວາມມານະອົດທົນ ເຈດຈຳນົງອັນກ້າແກ່ນ, ແອັວງ ໄດ້ຜ່ານຜ່າໂລກພະຍາດ ເພື່ອສືບຕໍ່ຜູກພັນກັບກິລາແລ່ນ ແລະ ລານ ດ້ວຍການແຂ່ງຂັນຢ່າງສຳເລັດຜົນຢູ່ ຟີລິບປິນ, ນັກກິລາແລ່ນ ແລະ ລານ ຫງວຽນທິແອັວງ ໄດ້ຮັບຫຼາຍລາງວັນອັນສົມກຽດ. ແອັວງ ໄດ້ເປີດເຜີຍວ່າ ບຸນປີໃໝ່ປະຈຳຊາດປີນີ້ ລາວກໍ່ຂໍອະນຸຍາດນຳພໍ່ແມ່ນ ເພື່ອເອົາເງິນລາງວັນຈາກຫຼຽນຄຳສອງດວງ ທີ່ຄວ້າໄດ້ໃນຊີເກມຄັ້ງກ່ອນ ແລະ ຫຼຽນຄຳສາມດວງໃນຄັ້ງນີ້ ເພື່ອປຸກເຮືອນໃໝ່ໃຫ້ແກ່ພໍ່ແມ່. ແອັວງ ເວົ້າວ່າ:

       “ກ້າວເຂົ້າສູ່ປີ 2020 ນ້ອງຫວັງວ່າຈະໄດ້ຕ້ອນຮັບບຸນເຕັດທີ່ອົບອຸ່ນ ແລະ ຜາສຸກໃນຄອບຄົວ”.