(vovworld) - ວັນທີ 20/8, ຢູ່ນະຄອນເຫ໋ວ (ເທື່ອທຽນເຫ໋ວ), ໄດ້ດຳເນີນກອງປະຊຸມຄະນິດສາດສົມທົບຫວຽດນາມ - ຟລັ່ງ. ນີ້ແມ່ນກອງປະຊຸມທີ່ມີຂອບຂະໜາດສາກົນໃຫຍ່ທີ່ສຸດນັບແຕ່ກ່ອນມາຮອດປະຈຸບັນ ແລະ ແມ່ນຄັ້ງທຳອິດທີ່ໄດ້ຈັດຂຶ້ນຢູ່ຫວຽດນາມ. ກອງປະຊຸມ ໄດ້ດຶງດູດນັກຄົ້ນຄວ້າຄະນິດສາດຂອງຫວຽດນາມ, ຟລັ່ງ ແລະ ບັນດາປະເທດໃນໂລກເຂົ້າຮ່ວມເກືອບ 500 ຄົນ. ກອງປະຊຸມໄດ້ສະເໜີ 13 ບົດລາຍງານ ແລະ ບົດສອນສຸມໃສ່ເຮັດແຈ້ງບົດບາດຂອງຄະນິດສາດໃນສົງຄົມເວົ້າລວມ, ການພົວພັນລະຫວ່າງຄະນິດສາດແລະ ບັນດາຂົງເຂດອື່ນເວົ້າສະເພາະ.
ເນື່ອງໃນໂອກາດນີ້, ສະມາຄົມຄະນິດສາດຫວຽດນາມ ແລະ ສະມາຄົມຄະນິດສາດຟລັ່ງ ກໍໄດ້ປຶກສາຫາລືກ່ຽວກັບການຮ່ວມມືດ້ານຄະນິດສາດລະຫວ່າງຫວຽດນາມ - ຟລັ່ງ; ໃນນັ້ນໄດ້ຢືນຢັນການພົວພັນແລກປ່ຽນກ່ຽວກັບຄະນິດສາດລະຫວ່າງສອງປະເທດ ເຊິ່ງບັນລຸໄດ້ຜົນງານຫຼາຍຢ່າງ. ຍາມໃດ ຫວຽດນາມ ກໍຢາກຮ່ວມມື, ຄົ້ນຄວ້າດ້ານຄະນິດສາດກັບຟລັ່ງ ແລະ ບັນດາປະເທດໃນໂລກ ເພື່ອແບ່ງປັນບົດຮຽນ ແລະ ຂໍ້ມູນ.