ທ່ານຮອງນາຍົກລັດຖະມົນຕີ
ຫງວຽນທ້ຽນເຍີນ ເຂົ້າຮ່ວມກອງປະຊຸມ
(ພາບ: nguyenthiennhan.net)
|
(vovworld) - ວັນທີ 16/3, ຢູ່ຮ່າໂນ້ຍໄດ້ດຳເນີນກອງປະຊຸມຄະນະປະທານຄັ້ງທີ 6 ຊຸດທີ 4 ຂອງສະຫະພັນບັນດາອົງການມິດຕະພາບຫວຽດນາມ. ກອງປະຊຸມຄະນະປະທານຄັ້ງນີ້ ໄດ້ຮັບຮອງເອົາບົດລາຍງານສະຫຼຸບວຽກງານລະຫວ່າງອາຍຸການກອງປະຊຸມໃຫຍ່ຄັ້ງທີ 4, ບົນພື້ນຖານນັ້ນ, ບັນດາການກຳນົດທິດທາງວຽກງານຂອງສະຫະພັນໃນປີ 2012 ແລະ ຮອດທ້າຍອາຍຸການກອງປະຊຸມໃຫຍ່ຄັ້ງທີ 4. ກ່າວຄຳເຫັນໄຂກອງປະຊຸມ, ທ່ານ ຫວູຊວນຮົ່ງ, ປະທານສະຫະພັນບັນດາອົງການມິດຕະພາບຫວຽດນາມ ຢືນຢັນວ່າ: ໃນໄລຍະຈະມາເຖິງ, ໜ້າທີ່ຂອງສະຫະພັນບັນດາອົງການມິດຕະພາບຫວຽດນາມ ແມ່ນສືບຕໍເປີດກ້ວາງ, ປັບປຸງ ແລະ ເພີ່ມທະວີການພົວພັນມິດຕະພາບ ແລະ ການຮ່ວມມືກັບປະຊາຊົນບັນດາປະເທດໃນໂລກເພື່ອແນໃສ່ປັບປຸງສະພາບແວດລ້ອມສັນຕິພາບ, ສະຖຽນລະພາບ ແລະ ຊຸກຍູ້ການພົວພັນຮ່ວມມືກໍ່ສ້າງ, ຕ່າງຝ່າຍຕ່າງມີຜົນປະໂຫຍດ, ປະຕິບັດທິດນຳຫວຽດນາມ ແມ່ນເພື່ອນມິດ, ແມ່ນຄູ່ຮ່ວມມືທີ່ໄວ້ເນື້ອເຊື່ອໃຈຂອງບັນດາປະເທດໃນປະຊາຄົມໂລກ. ຢູ່ທີ່ກອງປະຊຸມ, ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ຕີລາຄາສູງວຽກງານພົວພັນຕ່າງປະເທດປະຊາຊົນໃນໄລຍະຜ່ານມາ. ທ່ານກ່າວວ່າ:
“ນັບແຕ່ດົນນານມາແລ້ວ, ການພົວພັນຕ່າງປະເທດປະຊາຊົນໄດ້ກາຍເປັນພາກສ່ວນສຳຄັນໃນການພົວພັນຕ່າງປະເທດຂອງປະເທດເຮົາ. ວຽກງານພົວພັນຕ່າງປະເທດປະຊາຊົນປະກອບສ່ວນຢ່າງຕັ້ງໜ້າເຂົ້າໃນການປັບປຸງ ແລະ ຮັກສາສະພາບແວດລ້ອມສັນຕິພາບຂອງປະເທດຊາດ, ເປີດກ້ວາງການພົວພັນມິດຕະພາບ, ການຮ່ວມມືກັບບັນດາປະເທດ, ຮັກສາຜົນປະໂຫຍດ ແລະ ເຮັດໃຫ້ພາດພົດຂອງຫວຽດນາມເລິກເຊິ່ງ ກ້ວາງຂວາງໃນເວທີສາກົນ, ປະກອບສ່ວນເຂົ້າໃນການຕໍ່ສູ້ລວມຂອງປະຊາຊົນໃນໂລກ ເພື່ອສັນຕິພາບ, ເອກະລາດແຫ່ງຊາດ, ປະຊາທິປະໄຕ, ຄວາມກ້າວໜ້າທາງສັງຄົມ ເພື່ອການພັດທະນາຢ່າງຍຸຕິທຳ ແລະ ຍືນຍົງ”