ກອງປະຊຸມສຳມະນາກ່ອນການເຈລະຈາກ່ຽວກັບການປ້ອງກັນ, ຕ້ານການສໍ້ລາດບັງຫຼວງຄັ້ງທີ 11
(ພາບ: Trần Khánh Linh/Vietnam+)
(vovworld) - ກອງປະຊຸມສຳມະນາກ່ອນການເຈລະຈາກ່ຽວກັບການປ້ອງກັນ, ຕ້ານການສໍ້ລາດບັງຫຼວງຄັ້ງທີ 11 ຢູ່ບັນດາແຂວງ, ນະຄອນທາງພາກໃຕ້ ໄດ້ດຳເນີນຢູ່ນະຄອນ ເກິ່ນເທີ ໃນຕອນເຊົ້າວັນທີ 1/11. ກອງປະຊຸມສຳມະນາໂດຍຫົວໜ້າອົງການກວດກາລັດຖະບານ, ຫ້ອງວ່າການຄະນະຊີ້ນຳສູນກາງກ່ຽວກັບການປ້ອງກັນ, ຕ້ານການສໍ້ລາດບັງຫຼວງ ສົມທົບກັບສະຖານທູດ ແລະ ກະຊວງພັດທະນາອັງກິດປະຈຳຫວຽດນາມ ຈັດຂຶ້ນ, ດ້ວຍຫົວຂໍ້ວ່າ: ”ວຽກງານປ້ອງກັນ ແລະ ຕ້ານການສໍ້ລາດບັງຫຼວງຢູ່ທ້ອງຖີ່ນ, ຄວາມຈິງ ແລະ ມາດຕະການແກ້ໄຂ”. ເພື່ອແນໃສ່ແລກປ່ຽນບັນດາບັນຫາທີ່ມີລັກສະນະພິເສດສະເພາະໃນວຽກງານປ້ອງກັນ, ຕ້ານການສໍ້ລາດບັງຫຼວງຢູ່ຂັ້ນທ້ອງຖີ່ນ, ປຶກສາຫາລື, ແບ່ງປັນບົດຮຽນ, ແລກປ່ຽນຍົກອອກຂໍ້ສະເໜີ ແລະ ມາດຕະການແກ້ໄຂໃຫ້ແກ່ວຽກງານປ້ອງກັນ, ຕ້ານການສໍ້ລາດບັງຫຼວງ. ກ່າວຄວາມເຫັນທີ່ກອງປະຊຸມສຳມະນາ, ທ່ານ Tran Duc Luong, ຫົວໜ້າອົງການກວດກາລັດຖະບານ, ເນັ້ນໜັກວ່າ:
”ກອງປະຊຸມສຳມະນາເພື່ອແນໃສ່ເສີມຂະຫຍາຍປະສິດທິຜົນຂອງການເຈລະຈາຕ່າງໆ, ໃນນັ້ນເນັ້ນໜັກເຖິງການເຂົ້າຮ່ວມຂອງບັນດາທ້ອງຖີ່ນເຂົ້າໃນເວທີປາໄສນີ້, ເພື່ອມີທັດສະນະຢ່າງຮອບດ້ານກ່ຽວກັບວຽກງານປ້ອງກັນ, ຕ້ານການສໍ້ລາດບັງຫຼວງຢູ່ທ້ອງຖີ່ນຕ່າງໆ, ພ້ອມທັງສ້າງເງື່ອນໄຂໃຫ້ບັນດາແຂວງ, ນະຄອນໃນທົ່ວປະເທດໄດ້ແລກປ່ຽນບັນດາບັນຫາຂອງທ້ອງຖີ່ນຕົນ. ຜົນຂອງກອງປະຊຸມສຳມະນາຈະແມ່ນຂໍ້ມູນເພື່ອຮັບໃຊ້ໃຫ້ແກ່ກອງປະຊຸມສຳມະນາຄັ້ງທີ 11 ເຊິ່ງຄາດວ່າຈະຈັດຕັ້ງໃນວັນທີ 22/11 ຢູ່ຮ່າໂນ້ຍ”