ກອງປະຊຸມໃຫຍ່ແຂ່ງຂັນຮັກຊາດຂະແໜງໂຄສະນາສຶກສາ
ທ່ານ ເລຮົ່ງແອງ ກຳມະການກົມການເມືອງ
ຜູ້ປະຈຳການຄະນະເລຂາສູນກາງພັກ
(ພາບ: cand.com.vn)
(vovworld) - ກອງປະຊຸມໃຫຍ່ແຂ່ງຂັນຮັກຊາດຂະແໜງໂຄສະນາສຶກສາ ໄລຍະປີ 2015-2020 ໄດ້ດຳເນີນໃນວັນທີ 25/11 ຢູ່ຮ່າໂນ້ຍ. ກ່າວຄຳເຫັນທີ່ກອງປະຊຸມ ທ່ານ ເລຮົ່ງແອງ ກຳມະການກົມການເມືອງ, ຜູ້ປະຈຳການຄະນະເລຂາສູນກາງພັກ ເນັ້ນໜັກວ່າ: ດ້ວຍຄວາມຮັບຜິດຊອບຢ່າງໜັກໜ່ວງ ແຕ່ສະຫງ່າລາສີທີ່ສຸດນັ້ນ, ຂະແໜງໂຄສະນາສຶກສາໃນໄລຍະໃໝ່ຄວນສືບຕໍ່ປະຕິບັດແນວທາງທັດສະນະຂອງພັກ, ນະໂຍບາຍກົດໝາຍຂອງລັດໃຫ້ດີກວ່າອີກ, ຕັ້ງໜ້າເປັນເຈົ້າການປະກອບສ່ວນນຳເອົາມະຕິຂອງກອງປະຊຸມໃຫຍ່ຄັ້ງທີ່ 12 ຂອງພັກເຂົ້າສູ່ຊີວິດຕົວຈິງ. ປະຕິບັດມະຕິສູນກາງພັກຄັ້ງທີ່ 4 ຊຸດທີ 11 ກ່ຽວກັບ ການກໍ່ສ້າງພັກຕິດພັນກັບການປະຕິບັດຄຳສັ່ງເລກທີ 03 ຂອງກົມການເມືອງກ່ຽວກັບ ການສືບຕໍ່ຍູ້ແຮງຂະບວນການແຂ່ງຂັນຮັກຊາດ ແລະ ປະຕິບັດວຽກງານໂຄສະນາສຶກສາໃນໄລຍະຈະມາເຖິງໃຫ້ດີກວ່າ, ທ່ານ ເລຮົ່ງແອງ ສະເໜີວ່າ:
“ ປ່ຽນໃໝ່ເນື້ອໃນ, ວິທີການ, ຍົກສູງປະສິດທິຜົນວຽກງານໂຄສະນາສຶກສາ, ຕັ້ງໜ້າເຂົ້າຮ່ວມການຄົ້ນຄວ້າທິດສະດີ, ສະຫຼຸບການປະຕິບັດຕົວຈິງ, ປຶກສາຫາລື ແລະ ແກ້ໄຂບັນຫາສຳຄັນພວມວາງອອກຈາກພຶດຕິກຳຕົວຈິງຂອງພາລະກິດຫັນປະເທດຊາດເປັນປະເທດອຸດສາຫະກຳທັນສະໄໝ, ເຊື່ອມໂຍງເຂົ້າກັບສາກົນ, ສ້າງສາ ແລະ ປົກປັກຮັກສາປະເທດຊາດ”
ເນື່ອງໃນໂອກາດນີ້ ໂດຍຕາງໜ້າໃຫ້ການນຳພັກ, ລັດ, ທ່ານ ເລຮົ່ງແອງ ໄດ້ມອບຫຼຽນໄຊ ໂຮ່ຈີມິນ ໃຫ້ຄະນະໂຄສະນາສຶກສາສູນກາງ.