(ພາບປະກອບ)
(vovworld) - ຕອນບ່າຍວັນທີ 24/12, ຢູ່ສະຖານີວິທະຍຸກະຈາຍສຽງຫວຽດນາມ 58 ຖະໜົນ ກວ໋ານຊື໋, ຮ່າໂນ້ຍ, ການນຳວິທະຍຸກະຈາຍສຽງຫວຽດນາມ ໄດ້ໃຫ້ການຕ້ອນຮັບການນຳຂັ້ນສູງວິທະຍຸກະຈາຍສຽງແຫ່ງຊາດລາວ ໂດຍທ່ານທອງພິມ ດີມານີວົງ, ຮອງຜູ້ອຳນວຍການໃຫຍ່ວິທະຍຸກະຈາຍສຽງແຫ່ງຊາດລາວ ນຳໜ້າຄະນະມາເຮັດວຽກກັບວິທະຍຸກະຈາຍສຽງຫວຽດນາມ
ຕ່າງໜ້າຄະນະການນຳວິທະຍຸກະຈາຍສຽງແຫ່ງຊາດລາວ, ທ່ານຮອງຜູ້ອຳນວຍການໃຫຍ່ທອງພິມ ດີມານີວົງ ໄດ້ເນັ້ນໜັກເຖິງການພົວພັນອັນສະໜິດແໜ້ນລະຫວ່າງວິທະຍຸກະຈາຍສຽງສອງປະເທດ, ຢືນຢັນເຖິງການພັດທະນາກະໂດດຂັ້ນຂອງວິທະຍຸກະຈາຍສຽງຫວຽດນາມ ໃນຊຸມປີມໍ່ໆມານີ້. ຫວ່າງແລ້ວນີ້,ລັດຖະບານຫວຽດນາມ ໄດ້ຊ່ວຍລັດຖະບານລາວກໍ່ສ້າງສະຖານີສົ່ງສັນຍານ 4 ແຫ່ງ, ພາຍຫຼັງກໍ່ສ້າງສຳເລັດຈະສາມາດສົ່ງສັນຍານໄປທົ່ວປະເທດໄດ້. ທ່ານທອງພິມ ຫວັງວ່າ, ວິທະຍຸກະຈາຍສຽງແຫ່ງຊາດລາວ ແລະ ຫວຽດນາມຈະສືບຕໍ່ຮ່ວມມືກັນຢ່າງແໜ້ນແຟ້ນ, ພິເສດແມ່ນການຊ່ວຍເຫຼືອ, ໜູນຊ່ວຍຈາກວິທະຍຸກະຈາຍສຽງຫວຽດນາມ ໃນວຽກງານບຳລຸງສ້າງ.
ຕາງໜ້າການນຳວິທະຍຸກະຈາຍສຽງຫວຽດນາມ, ທ່ານຮອງຜູ້ອຳນວຍການໃຫຍ່ ຫວູຫາຍ ໄດ້ເນັ້ນໜັກວ່າ: ໃນໄລຍະຈະມາເຖິງ, ການນຳວິທະຍຸກະຈາຍສຽງແຫ່ງຊາດ ທັງສອງປະເທດ ໄດ້ເຫັນດີເປັນເອກະພາບໂຄງການຮ່ວມມືຫຼາຍສະບັບ, ໃນນັ້ນມີການແລກປ່ຽນບັນດາລາຍການກະຈາຍສຽງ, ເພີ່ມທະວີວຽກງານບຳລຸງສ້າງນັກເຕັກນິກ, ນັກຂ່າວທາງດ້ານວິຊາການ