ການແຫ່ຂະບວນປະທ້ວງຢູ່ ອີຢິບ
(ພາບ:theaustralia.com.au)
(vovworld) – ບົດລາຍງານ “ດັດຊະນີປະຊາທິປະໄຕ“ ໂດຍສູນພັດທະນາສາກົນ (IDC) ປະກາດເມື່ອວັນທີ 2/8 ໃຫ້ຮູ້ວ່າ, ໃນເດືອນ 7, ການແຫ່ຂະບວນປະທ້ວງຂະໜາດໃຫຍ່ກວ່າໝູ່ໃນປະຫວັດສາດຂອງປະເທດອາຟະລິກາເໜືອ ກໍ່ຄືໃນປະຫວັດສາດຂອງມວນມະນຸດໄດ້ເກີດຂຶ້ນຢູ່ອີຢີບ, ດ້ວຍການແຫ່ຂະບວນປະທ້ວງທັງໝົດ 1.432 ຄັ້ງ, ຄິດສະເລ່ຍແຕ່ລະມື້ຢູ່ອີຢີບໄດ້ເກີດການແຫ່ຂະບວນປະທ້ວງເຖິງ 46 ຄັ້ງ. ປະຊາຊົນກວ່າ 30 ລ້ານຄົນໄດ້ເຂົ້າຮ່ວມການແຫ່ຂະບວນປະທ້ວງຕ່າງໆໃນທົ່ວປະເທດ ເພື່ອຄັດຄ້ານອຳນາດການປົກຄອງຂອງອະດີດປະທານາທິບໍດີ Mohamed Morsi, ກໍ່ຄືສະໜັບສະໜູນໄລຍະຂ້າມຜ່ານຕາມຂັ້ນຕອນໂດຍທະຫານໄດ້ວາງອອກ ພາຍຫຼັງເສິກກາງເມືອງເມື່ອວັນທີ 3/7. ໃນຂະນະນັ້ນ, ຊາວມຸດສະລິນເກືອບ 1 ລ້ານຄົນ ກໍ່ໄດ້ເຂົ້າຮ່ວມການແຫ່ຂະບວນປະທ້ວງ ເພື່ອສະໜັບສະໜູນອະດີດປະທານາທິບໍດີ Mohamed Morsi ແລະ ຄັດຄ້ານອັນທີ່ເອີ້ນວ່າ “ການລັດຖະປະຫານດ້ານການທະຫານເພື່ອຕ້ານຄືນລັກສະນະຖືກຕ້ອງຕາມກົດໝາຍ“