ການໂອ້ລົມສົນທະນາຈັດຕັ້ງໃນວັນທີ 29/1
(ພາບ: nhandan.com.vn)
|
(vovworld) – ວັນທີ 29/1, ຢູ່ ປາຣີ, ປະເທດຝຣັ່ງ ໄດ້ຈັດຕັ້ງການໂອ້ລົມສົນທະນາດ້ວຍຫົວຂໍ້ວ່າ “ຈາກການເປີດປະຕູຮອດພື້ນຖານເສດຖະກິດຫາກໍ່ພົ້ນເດັ່ນຂຶ້ນ: ສາຍເຫດພາໃຫ້ເກີດບັນດາຜົນງານຂອງ ຫວຽດນາມ”. ເຂົ້າຮ່ວມການໂອ້ລົມສົນທະນາແມ່ນບັນດານັກຮຽນຮູ້, ນັກການທູດ, ນັກຄົ້ນຄ້ວາການເມືອງ ແລະ ເສດຖະກິດ ຝຣັ່ງ. ກ່າວຄຳເຫັນທີ່ການໂອ້ລົມສົນທະນາ, ທ່ານເອກອັກຄະລັດຖະທູດ ຫວຽດນາມ ປະຈຳ ຝຣັ່ງ ຫງວຽນງອກເຊີນ ຊີ້ແຈ້ງວ່າ: ພາຍຫຼັງເກືອບ 30 ປີແຫ່ງການປ່ຽນໃໝ່, ຫວຽດນາມ ໄດ້ຜ່ານຜ່າໄລຍະທາງຍາວນານດ້ວຍບັນດາຄວາມຫຍຸ້ງຍາກ ແລະ ການທ້າທາຍເພື່ອປະຕິບັດນະໂຍບາຍເປີດປະຕູ ແລະ ເຊື່ອມໂຍງສາກົນສຳເລັດຜົນ, ຢັ້ງຢືນໄລຍະທາງພັດທະນາຢ່າງທັນການ, ມີຫົວຄິດປະດິດສ້າງ, ເໝາະສົມກັບສະພາບຢູ່ ຫວຽດນາມ.
ບັນດານັກຮຽນຮູ້ ຝຣັ່ງ ແບ່ງປັນທັດສະນະກ່ຽວກັບບັນດາຜົນງານສຳຄັນເຊິ່ງ ຫວຽດນາມ ບັນລຸໄດ້, ຢັ້ງຢືນນະໂຍບາຍປ່ຽນໃໝ່ຂອງ ຫວຽດນາມ ບັນລຸຜົນງານ ແລະ ຫວຽດນາມ ແມ່ນປະເທດທຳອິດຜ່ານຜ່າໄລຍະທາງຍາວນານເພື່ອບັນລຸໄດ້ບັນດາຜົນງານເປັນໜ້າເອກອ້າງທະນົງໃຈນັ້ນ.