(vovworld) - ວັນທີ 11/04, ທ່ານນາຍົກລັດຖະມົນຕີ ກຳປູເຈຍ Hun Sen ໃຫ້ຮູ້ວ່າ, ປະເທດນີ້ພວມປະເຊີນໜ້າກັບສະພາບແຫ້ງແລ້ງຢ່າງຮ້າຍແຮງ, ພ້ອມທັງສະແດງຄວາມຫວັງວ່າ, ຈີນ ຈະສືບຕໍ່ປ່ອຍນ້ຳລົງເຂດລຸ່ມແມ່ນ້ຳຂອງ. ກ່າວຄຳເຫັນຢູ່ແຂວງ Prey Veng, ທາງພາກໃຕ້ກຳປູເຈຍ, ທ່ານ Hun Sen ໃຫ້ຮູ້ວ່າ, ຈີນ ໄດ້ປ່ອຍນຳ້ລົງເຂດລຸ່ມແມ່ນ້ຳຂອງ 2 ຄັ້ງແລ້ວ, ພ້ອມທັງສະເໜີໃຫ້ປັກກິງ ສືບຕໍ່ການເຄື່ອນໄຫວນີ້. ຄຽງຂ້າງນັ້ນ, ອີກຄັ້ງໜຶ່ງ, ທ່ານນາຍົກລັດຖະມົນຕີ Hun Sen ໄດ້ຮຽກຮ້ອງໃຫ້ຊາວກະສິກອນ ກຳປູເຈຍ ຕ້ອງປະຢັດນ້ຳ ເມື່ອຄາດວ່າລະດູຝົນປີນີ້ຈະເລີ່ມແຕ່ກາງເດືອນ 07, ຍ້ອນປະກົດການ El Nino, ໃນຂະນະທີ່ລະດູຝົນແຕ່ລະປີ ເລີ່ມແຕ່ເດືອນ 05. ປະຈຸບັນ, ບາງໜອງ ແລະ ອ່າງເກັບນ້ຳຢູ່ ກຳປູເຈຍ ແມ່ນຖືກບົກແຫ້ງໝົດແລ້ວ.