ຄະນະນັກສິລະປິນແຫ່ງຊາດລາວສະແດງສິລະປະຢູ່ແຂວງເຫົ້າຢາງ
(ພາບ: Duy Khương/TTXVN)
(vovworld) – ຕອນຄ່ຳວັນທີ 4/12, ຄະນະນັກສິລະປິນແຫ່ງຊາດ ລາວ ມີການສະແດງສິລະປະທີ່ເປັນເອກະລັກສະເພາະຢູ່ນະຄອນ ວິແທງ, ແຂວງ ເຫົ້າຢາງ. ນີ້ແມ່ນໜຶ່ງໃນບັນດາການເຄື່ອນໄຫວຂອງສັບປະດາວັດທະນະທຳ ລາວ ຢູ່ ຫວຽດນາມ, ໂດຍກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ສປປ ລາວ ແລະ ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ສົມທົບກັນປະຕິບັດ, ເພື່ອສະເຫຼີມສະຫຼອງວັນສະຖາປະນາປະເທດ ສປປ ລາວ ກໍ່ຄືປະຕິບັດແຜນການຮ່ວມມືວັດທະນະທຳ, ສິລະປະ ແລະ ທ່ອງທ່ຽວລະຫວ່າງ ຫວຽດນາມ - ລາວ. ຄະນະນັກສິລະປິນ ລາວ ສະແດງບັນດາບົດເພງພື້ນເມືອງ, ວາດຟ້ອນພື້ນເມືອງ, ບັນດາລາຍການສະແດງດົນຕີພື້ນເມືອງ ແລະ ຊຸດອາພອນຊົນເຜົ່າລາວ. ຄ່ຳຄືນສະແດງສິລະປະຊ່ວຍໃຫ້ປະຊາຊົນ ເຫົ້າຢາງ ເຂົ້າໃຈກ່ວາກ່ຽວກັບວັດທະນະທຳ, ວິຖີຊີວິດ, ການນຸ່ງຖືຂອງປະຊາຊົນ ລາວ ທັງນີ້ກໍ່ສະແດງບັນດານ້ຳໃຈສາມັກຄີ, ສະໜິດຕິດພັນ ແລະ ການຮ່ວມມືລະຫວ່າງ 2 ປະເທດ ຫວຽດນາມ -ລາວ.