ຄະນະປະຈຳສະພາແຫ່ງຊາດ ປຶກສາຫາລືຮ່າງກົດໝາຍວ່າດ້ວຍແຮງງານ ແລະ ຮ່າງກົດໝາຍວ່າດ້ວຍລາຄາ
(ພາບ: TTXVN)
ໂດຍສືບຕໍ່ວາລະປະຊຸມຄັ້ງທີ 4, ວັນທີ 15/12 ຄະນະປະຈຳສະພາແຫ່ງຊາດ ຫວຽດນາມ ໄດ້ປຶກສາຫາລືຮ່າງກົດໝາຍວ່າດ້ວຍແຮງງານ (ສະບັບປັບປຸງ) ແລະ ຮ່າງກົດໝາຍວ່າດ້ວຍລາຄາ. ຮ່າງກົດໝາຍ 2 ສະບັບນີ້ ໄດ້ປຶກສາຫາລືຢູ່ຕາມໜ່ວຍທີ່ ກອງປະຊຸມສະໄໝສາມັນເທື່ອທີ່ 2 ສະພາແຫ່ງຊາດຫວຍຽດນາມຊຸດທີ 13. ສະມາຊິກຄະນະປະຈຳສະພາແຫ່ງຊາດ ສ່ວນຫຼາຍໄດ້ເຫັນດີກັບບັນດາບັນຫາປັບປຸງ, ເພີ່ມເຕີ່ມ ໃນຮ່າງກົດໝາຍວ່າດ້ວຍແຮງງານ (ສະບັບປັບປຸງ).
ເມື່ອປຶກສາຫາລືກ່ຽວກັບຮ່າງກົດໝາຍວ່າດ້ວຍລາຄາ, ຍັງມີຫຼາຍຄວາມເຫັນທີ່ແຕກຕ່າງກັນ ກ່ຽວກັບກອງທຶນຮັບປະກັນລາຄາໃຫ້ເປັນປົກກະຕິ. ຕາມລັດຖະມົນຕີກະຊວງການເງິນ ເວືອງດິງແຫວ້ແລ້ວ, ບໍ່ຄວນໃຊ້ງົບປະມານແຫ່ງລັດເພື່ອສ້າງກອງທຶນຮັບປະກັນລາຄາໃຫ້ເປັນປົກກະຕິ. ທ່ານເວົ້າວ່າ:
“ກອງທຶນຮັບປະກັບລາຄາໃຫ້ເປັນປົກກະຕິ ແມ່ນກອງທຶນບໍ່ນຳໃຊ້ງົບປະມານແຫ່ງລັດ ແລະ ເມື່ອນຳໃຊ້ກອງທຶນນີ້ ຈະເປັນການຫລຸດຜ່ອນການໃຊ້ຈາຍເງິນຈາກງົບປະມານ. ຂ້າພະເຈົ້າສະເໜີຄະນະປະຈຳສະພາແຫ່ງຊາດຄວນຊັ່ງຊາ, ໃຫ້ຄຳເຫັນແມ່ນບໍ່ຄວນໃຊ້ງົບປະມານແຫ່ງລັດເພື່ອສ້າງ. ອາດຈະຫັກຈາກລາຄາສິນຄ້າການບໍລິການ, ຫຼືຜົນກຳໄລກ່ອນເສຍພາສີອາກອນຂອງວິສາຫະກິດ. ບັນດາມາດຕະການນຳໃຊ້ງົບປະມານເພື່ອຮັບປະກັນລາຄາເປັນປົກກະຕິແມ່ນມີຄຸນປະໂຫຍດຫນ້ອຍ, ມີພຽງແຕ່ບາງວິສາຫະກິດເຂົ້າຮ່ວມການຮັບປະກັນລາຄາໃຫ້ເປັນປົກກະຕິແມ່ນໄດ້ຮັບຜົນປະໂຫຍດເທົ່ານັ້ນ”