ຄະນະປະຈຳສະພາແຫ່ງ ຊາດໃຫ້ຄຳເຫັນກ່ຽວກັບ ຮ່າງກົດໝາຍວ່າດ້ວຍ ການປົກປັກຮັກສາສິ່ງແວດລ້ອມ
(ພາບ: vov.vn )
(vovworld)- ຕອນເຊົ້າວັນທີ 19/9, ຄະນະປະຈຳສະພາແຫ່ງຊາດໃຫ້ຄຳເຫັນກ່ຽວກັບຮ່າງກົດໝາຍວ່າດ້ວຍການປົກປັກຮັກສາສິ່ງແວດລ້ອມ (ສະບັບປັບປຸງ). ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ໄດ້ເຂົ້າຮ່ວມວາລະປະຊຸມ. ຮ່າງກົດໝາຍວ່າດ້ວຍການປົກປັກຮັກສາສິ່ງແວດລ້ອມ (ສະບັບປັບປຸງ) ໄດ້ປັບປຸງ, ເພີ່ມເຕີມບາງຂໍ້ກຳນົດເພື່ອແນໃສ່ເພີ່ມທະວີວຽກງານຄຸ້ມຄອງແຫ່ງລັດກ່ຽວກັບ ການປົກປັກຮັກສາສິ່ງແວດລ້ອມ, ຄວບຄຸມມົນລະພິດສິ່ງແວດລ້ອມໃນຂອບເຂດທົ່ວປະເທດ. ກ່ຽວກັບການຕີລາຄາການກະທົບຕໍ່ສິ່ງແວດລ້ອມ ແລະ ແຜນການປົກປັກຮັກສາສິ່ງແວດລ້ອມ, ທ່ານດ່າວຈ້ອງທີ, ປະທານກຳມາທິການວັດທະນະທຳ, ສຶກສາຊາວໜຸ່ມ, ເຍົາວະຊົນ ແລະ ອະນຸຊົນ ຖືວ່າ: ທຸກໆໂຄງການຕ້ອງມີການຕີລາຄາການກະທົບຕໍ່ສິ່ງແວດລ້ອມ ແຕ່ຕ້ອງກຳນົດລະດັບ, ມາດຖານຕາມຂອບຂະໜາດ, ລະດັບຂອງໂຄງການ:
“ການຕີລາຄາການກະທົບຕໍ່ສິ່ງແວດລ້ອມ ສຳລັບໂຄງການລົງທຶນຄວນປະຕິບັດຕາມ 2 ບາດກ້າວ, ນັ້ນແມ່ນຕີລາຄາການກະທົບໂດຍສັງເຂບ ແລະ ລະອຽດ. ຖ້າຕີລາຄານັບແຕ່ຕົ້ນຈະຫລີກເວັ້ນການຟຸມເຟືອຍ. ຂ້າພະເຈົ້າຄິດວ່າ, 2 ບາດກ້າວນັ້ນແມ່ນຈຳເປັນ“.