(ພາບປະກອບ: nhansuvietnam.vn)
(vovworld)- ງານບຸນດອກຊາກຸຣາ ດ້ວຍຫົວຂໍ້ວ່າ “ຈຸດວັດທະນະທຳຍີ່ປຸ່ນ ຢູ່ຮ້າລອງ“ ຈະຖືກດຳເນີນໄປແຕ່ວັນທີ 11-13/4 ຢູ່ນະຄອນຮ້າລອງ ແຂວງກວາງນິງ ເພື່ອແນໃສ່ມຸ້ງໄປເຖິງພິທີສະເຫຼີມສະຫຼອງ 40 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງຫວຽດນາມ-ຍີ່ປຸ່ນ (21/9/1973-21/9/2013) ແລະ ປີມິດຕະພາບຫວຽດນາມ-ຍີ່ປຸ່ນ. ນີ້ແມ່ນຄັ້ງທຳອິດທີ່ງານບຸນນີ້ຖືກຈັດຂຶ້ນຢູ່ແຂວງກວາງນິງ ດ້ວຍຈຸດປະສົງເພີ່ມທະວີການພົບປະແລກປ່ຽນດ້ານວັດທະນະທຳ, ຮັດແໜ້ນສາຍພົວພັນຮ່ວມມືມິດຕະພາບລະຫວ່າງຍີ່ປຸ່ນ ກັບຫວຽດນາມ ເວົ້າລວມ ແລະ ກັບກວາງນິງ ເວົ້າສະເພາະ; ພ້ອມທັງແນະນຳງານວາງສະແດງຮູບພາບດອກໄມ້ທີ່ເປັນສັນຍາລັກຂອງຍີ່ປຸ່ນ ເຖິງປະຊາຊົນແຂວາງກວາງນິງ, ຍູ້ແຮງການສົ່ງເສີມ, ໂຄສະນາການທ່ອງທ່ຽວ. ງານບູນຈະມີບັນດາການເຄື່ອນໄຫວຕົ້ນຕໍຄື: ງານວາງສະແດງດອກຊາກຸຣາ ແລະ ບັນດາຜະລິດຕະພັນຫັດຖະກຳສິລະປະ, ຕົ້ນໄມ້ປະດັບ, ອາຫານການກິນ, ແນະນຳສະຖານທີ່ທ່ອງທ່ຽວ, ຜະລິດຕະພັນທ່ອງທ່ຽວຂອງກວາງນິງ, ຍີ່ປຸ່ນ; ການພົບປະແລກປ່ຽນລະຫວ່າງບັນດານັກສິລະປິນກວາງນິງ ແລະ ຍີ່ປຸ່ນ….