ວັດຖູພັນທີ່ງານວາງສະແດງ
ພາບ:baomoi.com.vn
|
(vovworld)- ຕອນບ່າຍວັນທີ 3/12, ຫໍພິພິດທະພັນປະຫວັດສາດແຫ່ງຊາດ ໄດ້ສົມທົບກັບສະຖາບັນຄົ້ນຄ້ວາຂອງຝລັ່ງກ່ຽວກັບອິນດູຈີນວິທະຍາ ຢູ່ ຮ່າໂນ້ຍ ໄດ້ໄຂງານວາງສະແດງພາຍໃຕ້ຫົວເລື່ອງວ່າ: “ແງ່ມູນສັງເກດຫວຽດນາມ- ຫວຽດນາມ ຕົ້ນສັດຕະວັດທີ 20 ຜ່ານພາບເອກະສານຂອງສະຖາບັນຄົ້ນຄ້ວາຂອງຝລັ່ງ ກ່ຽວກັບອິນດູຈີນວິທະຍາ”. ມີພາບເກືອບ 60 ແຜ່ນໂດຍບັນດານັກຮຽນຮູ້, ນັກຖ່າຍຮູບຂອງສະຖາບັນດັ່ງກ່າວ ນຳມາວາງສະແດງດ້ວຍ 4 ເນື້ອໃນຄື: ບູຮານຄະດີ, ກໍ່ສ້າງບັນດາຫໍພິພິດທະພັນ; ຊີວິດຂອງຊາວຫວຽດນາມ ໃນຕົ້ນສັດຕະວັດທີ 20 ແລະ ພິທີບູຊາດ່ານນາມຢາວ(ພິທີບູຊາພາວະນາດິນຟ້າອາກາດເອື້ອອຳນວຍຄວາມສະດວກ-ປະເທດຊາດມີຄວາມສະຫງົບສຸກ). ທ່ານ ຫງວຽນວັນເກືອງ, ຜູ້ອຳນວຍການຫໍພິພິດທະພັນປະຫວັດສາດແຫ່ງຊາດ ໃຫ້ຮູ້ວ່າ:
“ເນື້ອໃນຂອງງານວາງສະແດງໄດ້ນຳມາໃຫ້ຜູ້ຊົມການສັງເກດກ່ຽວກັບຫວຽດນາມ ພວກເຮົາ ມີມູນເຊື້ອປະຫວັດສາດ, ອະລິຍະທຳມາແຕ່ດົນນານ ດ້ວຍພື້ນຖານວັດທະນະທຳພັດທະນານັບແຕ່ສະໄຫມບູຮານມາຮອດປະຈຸບັນ. ນອກນັ້ນ ຍັງມີບັນດາຮູບພາບ, ວັດຖຸພັນ, ບັນດາກິດຈະກຳຄົ້ນຄ້ວາໃນໄລຍະເກືອບ 100 ປີ ຂອງບັນດານັກຮຽນຮູ້ພາຍໃນ ແລະ ຕ່າງປະເທດ ກ່ຽວກັບຊີວິດປະຈຳວັນຂອງຊາວຫວຽດນາມ.”