ຈັດຕັ້ງພິທີງານສົບທ່ານເຈືອງກວາງເດືອກອະດິດຮອງປະທານສະພາແຫ່ງຊາດຫວຽດນາມຢ່າງສົມກຽດ
ພິທີງານສົບທ່ານເຈືອງກວາງເດືອກ
ອະດິດຮອງປະທານສະພາແຫ່ງຊາດຫວຽດນາມຢ່າງສົມກຽດ
(vovworld)- ຕອນເຊົ້າ ວັນທີ 1/11, ທີ່ຫໍພິທີງານສົບແຫ່ງຊາດ, ຮ່າໂນ້ຍ, ໄດ້ດຳເນີນພິທີງານສົບ ທ່ານ ເຈືອງກວາງເດືອກ, ອະດິດກຳມະການກົມການເມືອງ, ອະດິດຮອງປະທານສະພາແຫ່ງຊາດຫວຽດນາມ, ຕາມພິທີການ ຈັດພິທີງານສົບລະດັບລັດ. ຄະນະຜູ້ແທນບໍລິຫານງານສູນກາງພັກກອມມູນິດຫວຽດນາມ ໂດຍ ທ່ານ ຫງວຽນຟູ໋ຈ້ອງ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ເປັນຫົວໜ້າຄະນະ; ຄະນະຜູ້ແທນປະທານປະເທດ ໂດຍ ທ່ານ ເຈີ່ນດ້າຍກວາງ ປະທານປະເທດ ເປັນຫົວໜ້າຄະນະ; ຄະນະສະພາແຫ່ງຊາດ ໂດຍ ທ່ານ ນາງ ຫງວຽນທິກີມເງິນ ປະທານສະພາແຫ່ງຊາດ ເປັນຫົວໜ້າຄະນະ; ຄະນະລັດຖະບານ ໂດຍ ທ່ານ ຫງວຽນຊວນຟຸກ ນາຍົກລັດຖະມົນຕີ ເປັນຫົວໜ້າຄະນະ; ຄະນະກຳມະການສູນກາງແນວໂຮມປະເທດຊາດຫວຽດນາມ ໂດຍ ທ່ານ ຫງວຽນທ້ຽນເຢີນ ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ເປັນຫົວໜ້າຄະນະ, ໄດ້ມາໄວ້ອາໄລ ທ່ານ ເຈືອງກວາງເດືອກ ແລະ ແບ່ງປັນຄວາມເສົ້າສະຫຼົດໃຈພ້ອມກັບຄອບຄົວຂອງເພີ່ນ.
ເຂົ້າຮ່ວມພິທີໄວ້ອາໄລ ທ່ານ ເຈືອງກວາງເດືອກ ແລະ ແບ່ງປັນຄວາມເສົ້າສະຫຼົດໃຈພ້ອມກັບຄວບຄົວເພີ່ນ ຍັງມີອະດິດບັນດາການນຳພັກ, ລັດ, ສະພາແຫ່ງຊາດ ພ້ອມກັບຄະນະຜູ້ແທນການນຳພັກ, ລັດ, ບັນດາກະຊວງ, ຂະແໜງການ, ອົງການຈັດຕັ້ງສູນກາງ ແລະ ທ້ອງຖິ່ນ ຫຼາຍຄະນະ.