(ພາບ:tinvip.mobi)
(vovworld)- ສືບຕໍ່ລາຍການ “ຊຸມວັນຫວຽດນາມຢູ່ອີຕາລີ”, ເນື່ອງໃນໂອກາດສະເຫຼີມສະຫຼອງ 40 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງສອງປະເທດ, ຕອນຄ່ຳວັນທີ 14/6, ສະຖານທູດຫວຽດນາມ ປະຈຳອີຕາລີ ສົມທົບກັບອຳນາດການປົກຄອງນະຄອນ Venice ແລະ ສະມາຄົມມິດຕະພາບອີຕາລີ-ຫວຽດນາມ ຈັດພິທີແນະນຳ “ຊຸມວັນຫວຽດນາມຢູ່ Venice” ແລະ ໄຂງານວາງສະແດງຮູບພາບກ່ຽວກັບນ້ຳໃຈສາມັກຄີອີຕາລີ-ຫວຽດນາມ ໃນຊຸມປີ 1960-1970 ຢູ່ນະຄອນ Venice. ກ່າວຄຳເຫັນທີ່ພິທີ, ທ່ານບຸ່ຍແທງເຊີນ ຮອງລັດຖະມົນຕີກະຊວງການຕ່າງປະເທດຫວຽດນາມ ໄດ້ເນັ້ນໜັກວ່າ: ສາຍພົວພັນທາງການທູດລະຫວ່າງຫວຽດນາມ ແລະ ອີຕາລີ ມີມາແຕ່ດົນນານ ແລະ ໄດ້ຮັບການພັດທະນາພິເສດໃນ 40 ປີຜ່ານມາ. ບັນດາການເຄື່ອນໄຫວດ້ານວັດທະນະທຳຫວຽດນາມ ຢູ່ Venice ໃນຊຸມວັນຈະມາເຖິງຈະປະກອບສ່ວນເພີ່ມທະວີນ້ຳໃຈສາມັກຄີມິດຕະພາບຊື່ງປະຊາຊົນສອງປະເທດໄດ້ສ້າງຂຶ້ນ ແລະ ເພີ່ມພູນຄູນສ້າງຢ່າງບໍ່ຢຸດຢັ້ງໃນຕະຫຼອດໄລຍຜ່ານມາ. ສ່ວນທ່ານ Giorgio Orsoni ເຈົ້າຄອງນະຄອນ Venice ໃຫ້ຮູ້ວ່າ: ອີຕາລີ ເວົ້າລວມ ແລະ ນະຄອນ Venice ເວົ້າສະເພາະ ຍາມໃດກໍ່ສະໜັບສະໜູນຫວຽດນາມ ແລະ ມີຄວາມປິຕິຊົມຊື່ນເມື່ອໄດ້ເຫັນການພັດທະນາຂອງຫວຽດນາມ, ພິເສດໃນຂົງເຂດເສດຖະກິດ.