ຍ້ອງຍໍຊົມເຊີຍນັກຮຽນຊົນເຜົ່າສ່ວນໜ້ອຍຮຽນເກັ່ງປີ2014
ພິທີຍ້ອງຍໍຊົມເຊີຍນັກຮຽນຊົນເຜົ່າສ່ວນໜ້ອຍຮຽນເກັ່ງປີ2014
(vovworld) – ຕອນເຊົ້າວັນທີ 1/11, ຢູ່ຮ່າໂນ້ຍ, ຄະນະກຳມະການຊົນເຜົ່າສົມທົບກັບສຳນັກຂ່າວສານ ຫວຽດນາມ ຈັດຕັ້ງພິທີຍ້ອງຍໍຊົມເຊີຍນັກຮຽນຊົນເຜົ່າສ່ວນໜ້ອຍ 111 ຄົນຮຽນເກັ່ງປີ 2014. ກ່າວຄຳເຫັນທີ່ພິທີຍ້ອງຍໍຊົມເຊີຍ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ຍ້ອງຍໍຊົມເຊີຍ ບັນດາຄູອາຈານ ໄດ້ສຸດຈິດສຸດໃຈ, ພະຍາຍາມສິດສອນພວກນ້ອງນັກຮຽນທີ່ບັນລຸລາງວັນສູງໃນການສອບເສັງ. ທ່ານຮອງນາຍົກລັດຖະມົນຕີ ຫງວຽນຊວນຟຸກ, ສະເໜີວ່າ:
“ກະຊວງສຶກສາ ແລະ ບຳລຸງສ້າງສືບຕໍ່ເອົາໃຈໃສ່ເຖິງຖັນແຖວພະນັກງານເຂດຫ່າງໄກສອກຫຼີກ, ຖືນັ້ນແມ່ນປັດໄຈຕັດສິນຊີ້ຂາດຍົກສູງຄຸນນະພາບຂອງຊົນເຜົ່າສ່ວນໜ້ອຍ, ນັກຮຽນຊົນເຜົ່າສ່ວນໜ້ອຍ. ສ່ວນຄະນະພັກແຂວງ, ອຳນາດການປົກຄອງທ້ອງຖີ່ນຖືນີ້ແມ່ນໜ້າທີ່ສຳຄັນ, ແມ່ນການພັດທະນາຍາວນານ, ໝັ້ນຄົງ, ກ່ອນອື່ນໝົດແມ່ນລົບລ້າງຄວາມອຶດຫິວ, ທຸກຍາກຢູ່ທ້ອງຖີ່ນ. ບໍ່ມີແຫຼ່ງບຸກຄະລະກອນດີ, ພິເສດແມ່ນລຸ້ນໜຸ່ມ, ຍາກທີ່ຫລຸດພົ້ນອອກຈາກຄວາມທຸກຍາກແບບຍືນຍົງໄດ້.”