ດັກລັກ ປຸກລະດົມການເສັງຊອກຮູ້ ປະຫວັດສາດການພົວພັນແບບພິເສດ ຫວຽດນາມ - ລາວ
(vovworld) – ຕອນເຊົ້າວັນທີ 10/7, ຄະນະພັກແຂວງ ດັກລັກ ປຸກລະດົມການເສັງຊອກຮູ້ປະຫວັດສາດການພົວພັນແບບພິເສດຫວຽດນາມ - ລາວ, ລາວ - ຫວຽດນາມ. ສະມາຊິກຄະນະຊາວໜຸ່ມ, ຊາວໜຸ່ມ 300 ກວ່າຄົນໄດ້ເຂົ້າຮ່ວມພິທີປຸກລະດົມ. ໂດຍໄດ້ຮັບການແນະນຳກ່ຽວກັບບາງເນື້ອໃນສຳຄັນຂອງການເສັງຈາກຄະນະຈັດຕັ້ງ. ເອື້ອຍ Nguyen Thuy Linh, ຜູ້ເຂົ້າຮ່ວມການເສັງເວົ້າວ່າ:
“ຂ້າພະເຈົ້າຈະຕັ້ງໜ້າຕອບສະໜອງການເສັງນີ້ ແລະ ຕັ້ງໜ້າໂຄສະນາປຸກລະດົມໝູ່ສະມາຊິກຊາວໜຸ່ມ, ຊາວໜຸ່ມ ແລະ ປະຊາຊົນ ຕອບສະໜອງການເສັງນີ້. ພວກຂ້າພະເຈົ້າເຂົ້າໃຈໄດ້ວ່າ: ນີ້ແມ່ນການເຄື່ອນໄຫວທີ່ມີຄວາມໝາຍແທດຈິງ ໃນການສຶກສາມູນເຊື້ອໃຫ້ແກ່ລຸ້ນໜຸ່ມ. ເຂົ້າຮ່ວມການເສັງນີ້, ພວກຂ້າພະເຈົ້າຈະມີໂອກາດເພື່ອຊອກຫາກ່ຽວກັບປະຫວັດຄວາມເປັນມາ ແລະ ການພັດທະນາຂອງສາຍພົວພັນແບບພິເສດລະຫວ່າງຫວຽດນາມ - ລາວເລິກເຊິ່ງກ່ວາອີກ, ຈາກນັ້ນ, ຍົກສູງສະຕິຄວາມຮັບຜິດຊອບ ແລະ ການກະທຳຂອງລຸ້ນໜຸ່ມໃນການເພີ່ມພູນຄູນສ້າງສາຍພົວພັນມິດຕະພາບທີ່ດີງາມຂອງສອງປະເທດຫວຽດນາມ - ລາວ”