ນະຄອນປໄລກູ-ຢາລາຍ
(ພາບ: thanhtravietnam.vn)
(vovworld)- ຕອນບ່າຍວັນທີ 12/4, ຢູ່ນະຄອນປໄລກູ, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢູງ ພ້ອມດ້ວຍຄະນະປະຕິບັດງານຂອງລັດຖະບານ ໄດ້ມີການເຮັດວຽກກັບການນຳຫຼັກແຫຼ່ງຂອງແຂວງຢາລາຍ ກ່ຽວກັບໝາກຜົນ ແລະ ການກຳນົດທິດທາງພັດທະນາເສດຖະກິດສັງຄົມຂອງທ້ອງຖິ່ນ ແລະ ແກ້ໄຂຄວາມຫຍຸ້ງຍາກ, ຂໍ້ຕັດຂັດຈຳນວນໜຶ່ງໃນວິວັດການພັດທະນາຂອງແຂວງ. ນະທີ່ນີ້, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢູງ ຮຽກຮ້ອງໃຫ້ແຂວງຢາລາຍ ຈົ່ງສຸມໃສ່ແກ້ໄຂຄວາມຫຍຸ້ງຍາກໃນການຜະລິດ ດຳເນີນທຸລະກິດດ້ວຍບັນດາວຽກງານລະອຽດ:
“ຂ້າພະເຈົ້າສະເໜີໃຫ້ບັນດາສະຫາຍຈົ່ງສຸມໃສ່ແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດ, ການຜະລິດ, ການດຳເນີນທຸລະກິດ ແລະ ໃຫ້ແຕ່ລະຄອບຄົວ. ປະຈຸບັນ, ພວກເຮົາພວມປະສົບກັບໄພແຫ້ງແລ້ງ, ຄວາມເສຍຫາຍຫຼາຍຢ່າງ…ສ່ວນວິສາຫະກິດຍັງມີສິນຄ້າຄ້າງສາງ, ໜີ້ເສຍ…ທາງສູນກາງກໍ່ມີຄວາມມານະພະຍາຍາມເພື່ອໃຫ້ບັນດານະໂຍບາຍບໍລິຫານມະຫາພາກໃຫ້ເໝາະສົມ“