ທ່ານນາຍົກລັດຖະມົນຕີ ຫງວຽນເຕີນຢູງ ພົບປະ ກັບຜູ້ມີສິດເລືອກຕັ້ງ ນະຄອນຫາຍຟ່ອງ
ຕອນເຊົ້າວັນທີ 7/12, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢູງ, ສສຊ ນະຄອນ ຫາຍຟ່ອງພ້ອມກັບຄະນະ ສສຊ ນະຄອນ ໄດ້ລົງພົບປະກັບຜູ້ມີສິດເລືອກຕັ້ງ ເພື່ອລາຍງານໝາກຜົນຂອງກອງປະຊຸມສະໄໝສະມັນເທື່ອທີ່ 2 ສະພາແຫ່ງຊາດຫວຽດນາມ ຊຸດທີ 13. ທີ່ການພົບປະ, ທານນາຍົກລັດຖະມົນຕີ ຫງວຽນເຕີນຢູງໄດ້ລາຍງານບັນດາຜົນງານທີ່ດີເດັ່ນຂອງພື້ນຖານເສດຖະກິດຫວຽດນາມໃນ ປີ 2011 ເຊິ່ງຜູ້ມີສິດເລືອກຕັ້ງມີຄວາມສົນໃຈ, ພິເສດແມ່ນເສດຖະກິດມະຫາພາກນັບມື້ນັບເປັນປົກກະຕິ, ໄພເງິນເຟີ້ໄດ້ຮັບການຄວບຄຸມ, ການເຕີບໂຕເສດຖະກິດໄດ້ຖືກຮັກສາຢູ່ໃນລະດັບ ເກືອບ 6%... ທ່ານນາຍົກລັດຖະມົນຕີ ຫງວຽນເຕີນຢູງ ເວົ້າວ່າ:“ພ້ອມກັບເລື່ອງຮັບປະກັນເສດຖະກິດມະຫາພາກ, ຄວບຄຸມໄພເງິນເຟີ້, ແກ້ໄຂບັນດາຄວາມຫຍຸ້ງຍາກ, ຮັກສາການຜະລິດ, ການເຕີບໂຕເສດຖະກິດບັນລຸປະມານ 6% ... ລັດຖະບານຫວຽດນາມຈະຕັດສິນໃຈສ້າງໂຄງປະກອບເສດຖະກິດຄືນໃໝ່ ເຊິ່ງຈຸດສຸມແມ່ນສ້າງໂຄງປະກອບການລົງທຶນແຫ່ງລັດຄືນໃໝ່, ສ້າງໂຄງປະກອບທະນາຄານ ແລະ ລັດວິສາຫະກິດຄືນໃໝ່ຕາມທິດເຮັດໃຫ້ພື້ນຖານເສດຖະກິດ ແລະ ວິສາຫະກິດມີປະສິດທິຜົນກ່ວາ, ການລົງທຶນແຫ່ງລັດ ແລະ ລະບົບທະນາຄານມີປະສິດທິຜົນກ່ວາ. ບັນດາຄວາມຄິດຄວາມເຫັນເຊິ່ງ ຜູ້ມີສິດເລືອກຕັ້ງຫາກໍ່ຍົກອອກມາກ່ຽວກັບການສຸມໃສ່ການລົງທຶນ ແລະ ບໍ່ລົງທຶນແບບກະແຈກກະຈາຍແມ່ນຖືກຕ້ອງທີ່ສຸດ ແລະ ລັດຖະບານຫວຽດນາມຈະປະຕິບັດແຕ່ເວລານີ້ ຢ່າງເດັດຂາດ”
ກໍ່ໃນຕອນເຊົ້າວັນທີ 7/12, ທ່ານນາຍົກັດຖະມົນຕີ ຫງວຽນເຕີນຢູງ ໄດ້ເຂົ້າຮ່ວມ ແລະ ກ່າວປາໄສທີ່ວາລະໄຂກອງປະຊຸມຄັ້ງທີ່ 3 ສະພາ ປະຊາຊົນນະຄອນ ຫາຍຟ່ອງຊຸດທີ 14.
ຕອນບ່າຍວັນດຽວກັນ, ທ່ານນາຍົກລັດຖະມົນຕີ ຫງວຽນເຕີນຢູງໄດ້ໄປຢ້ຽມຢາມພະນັກງານ, ກຳມະກອນສັງກັດໂຮງງານຕໍ່ກ່ຳປັນ ຮົ່ງຮ່າ ທີ່ຂຶ້ນກັບກົມໃຫຍ່ອຸດສາຫະກຳປ້ອງກັນປະເທດ.