ທ່ານປະທານປະເທດເຈືອງເຕີນຊາງຢ້ຽມຢາມເດັກພິການ
ພາບ:TTXVN
|
(vovworld)-ຕອນເຊົ້າວັນທີ 16/2, ທ່ານປະທານປະເທດເຈືອງເຕີນຊາງ ພ້ອມກັບຄະນະການນຳຄະນະພັກ, ຄະນະກຳມະການປະຊາຊົນ, ຄະນະກຳມະການສູນກາງແນວໂຮມປະເທດຊາດ ນະຄອນ ໂຮ່ຈິມີນ ໄດ້ລົງຢ້ຽມຢາມ, ມອບຂອງຂວັນບຸນເຕັດ ຢູ່ ສູນລ້ຽງດູ ແລະ ປົກປ້ອງເດັກພິການ ທຽນເຟືອກ. ນະທີ່ນີ້, ທ່ານປະທານປະເທດ ເຈືອງເຕີນຊາງ ຢືນຢັນ: ລັດ, ທຸກຂັ້ນ, ທຸກຂະແຫນງການ ຈະຫນູນຊ່ວຍຈົນສຸດຄວາມສາມາດຂອງຕົນ ເພື່ອໃຫ້ສູນນີ້ມີເງື່ອນໄຂດີສຸດ ເບິ່ງແຍງດູແລພວກຫລານ. ແລະໃນຕອນເຊົ້າວັນດຽວກັນ, ທ່ານປະທານປະເທດເຈືອງເຕີນຊາງ ລົງຢ້ຽມຢາມຄອບຄົວຊາວກະສິກອນດີເດັ່ນ ສ້າງຄວາມຮັ່ງມີຈາກໂຄງການກໍ່ສ້າງຊົນນະບົດໃຫມ່ ຢູ່ ຕາແສງ ຍ້ວນດືກ, ເມືອງ ກູຈີ. ທ່ານປະທານປະເທດເຈືອງເຕີນຊາງ ປາດຖະຫນາຢາກໃຫ້ທ້ອງຖິ່ນສືບຕໍ່ເສີມຂະຫຍາຍທ່າແຮງໃນການປູກຝັງ, ລ້ຽງສັດ, ປະກອບສ່ວນຍົກສູງຊີວິດການເປັນຢູ່ທາງດ້ານວັດຖຸ ແລະ ຈິດໃຈໃຫ້ແກ່ປະຊາຊົນ.