ນາຍົກລັດຖະມົນຕີ ຫງວຽນຊວນຟຸກ ຕ້ອນຮັບລັດຖະມົນຕີກະຊວງຍຸດຕິທຳລາວ
ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກຕ້ອນຮັບທ່ານລັດຖະມົນຕີກະຊວງຍຸດຕິທຳລາວ ໄຊສີ ສັນຕິວົງ ຊຶ່ງພວມຢ້ຽມຢາມ ແລະ ເຮັດວຽກຢູ່ຫວຽດນາມ |
(vovworld)- ຕອນບ່າຍວັນທີ 1/6, ທີ່ການຕ້ອນຮັບທ່ານລັດຖະມົນຕີກະຊວງຍຸດຕິທຳລາວ ໄຊສີ ສັນຕິວົງ ຊຶ່ງພວມຢ້ຽມຢາມ ແລະ ເຮັດວຽກຢູ່ຫວຽດນາມ. ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ເນັ້ນໜັກເຖິງ ສາຍພົວພັນມິດຕະພາບທີ່ເປັນມູນເຊື້ອ, ນ້ຳໃຈສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດຫວຽດນາມ-ລາວ. ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກເຊື່ອໝັ້ນວ່າ 2 ປະເທດຈະສືບຕໍ່ປະຕິບັດສັນຍາ 2 ຝ່າຍລະຫວ່າງ 2 ລັດຖະບານໄລຍະ 2016-2020 ແລະ ຂໍ້ຕົກລົງກ່ຽວກັບແຜນການຮ່ວມມືລະຫວ່າງລັດຖະບານປີ 2016. ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ຍັງເນັ້ນໜັກເຖິງຄວາມສຳຄັນ ແລະ ຄວາມໝາຍຂອງການພົວພັນ 2 ຝ່າຍລະຫວ່າງບັນດາອົງການນິຕິບັນຍັດ, ຕຸລາການ ແລະ ບໍລິຫານ ແລະ ບັນດາກະຊວງຂອງ 2 ປະເທດ, ໃນນັ້ນມີການຮ່ວມມືລະຫວ່າງ 2 ກະຊວງຍຸດຕິທຳໃນໄລຍະທີ່ຜ່ານມາ.
ທ່ານລັດຖະມົນຕີກະຊວງຍຸດຕິທຳລາວ ໄຊສີ ສັນຕິວົງ ເນັ້ນໜັກວ່າ ການຢ້ຽມຢາມຂອງຄະນະຄັ້ງນີ້ ໄດ້ເປັນການຮັດແໜ້ນ ສາຍພົວພັນມິດຕະພາບທີ່ເປັນມູນເຊື້ອ, ນ້ຳໃຈສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດໃຫ້ດີຍິ່ງໆຂຶ້ນ ແລະ ເຊື່ອໝັ້ນວ່າ ໃນໄລຍະທີ່ຈະມາເຖິງ, 2 ກະຊວງຍຸດຕິທຳຂອງ 2 ປະເທດຈະສືບຕໍ່ຮ່ວມມື, ຊ່ວຍເຫຼືອກັນເພື່ອພ້ອມກັນພັດທະນາ, ເພື່ອບັນລຸເປົ້າໝາຍສັງຄົມພັດທະນາຢ່າງຍຸດຕິທຳ, ສິວິໄລ