(vovworld) - ນາຍົກລັດຖະມົນຕີ ຫາກໍ່ອະນຸມັດຜ່ານແຜນຮ່າງຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດແຕ່ນີ້ຮອດປີ 2020 ແລະ ຊຸມປີຕໍ່ໄປ ດ້ວຍຈຸດໝາຍຮອດປີ 2015 ຈະຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດປະມານ 10.000 ຊຸດ, ຮອດປີ 2020, ຊອກຫາ, ທ້ອນໂຮມ 60% ຈຳນວນອັດຖິນັກຮົບເສຍສະຫຼະຊີວິດເພື່ອຊາດຍັງເຫຼືອທີ່ມີຂໍ້ມູນ, ແຕ່ປີ 2012 ເປັນຕົ້ນໄປ, ສືບຕໍ່ຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ ທີ່ຍັງເຫຼືອ. ເພື່ອປະຕິບັດບັນດາຈຸດໝາຍທີ່ແຜນຮ່າງໄດ້ວາງອອກ, ຄວນຍູ້ແຮງວຽກງານໂຄສະນາເຜີຍແຜ່, ຍົກສູງປະສິດທິຜົນການສະໜອງຂໍ້ມູນຂ່າວສານກ່ຽວກັບນັກຮົບເສຍສະຫຼະຊີວິດເພື່ອຊາດ, ຫຼຸມຝັງສົບນັກຮົບເສຍສະຫຼະຊີວິດເພື່ອຊາດ ແລະ ຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ. ລະອຽດຄື, ສ້າງແຜນການໂຄສະນາເຜີຍແຜ່, ຊີ້ນຳບັນດາອົງການສື່ມວນຊົນໂຄສະນາແຜນນະໂຍບາຍ, ນະໂຍບາຍຂອງພັກ ແລະ ລັດ ກ່ຽວກັບວຽກງານຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດຢ່າງເລິກເຊິ່ງ, ກ້ວາງຂວາງ.