ທ່ານນາຍົກລັດຖະມົນຕີ ໄທ ປະຢຸດ ຈັນໂອຊາ (ພາບ: TTXVN)

ຄຳປະກາດຍົກເລີກສະພາວະສຸກເສີນ ຢ່າງຮ້າຍແຮງ ໄດ້ປະຕິບັດນັບແຕ່ເວລາ 12 ໂມງຂອງວັນທີ 22 ຕຸລາ ເປັນຕົ້ນໄປ. ກ່ອນໜ້ານັ້ນ, ໃນບົດກ່າວປາໄສໃນຊ່ອງໂທລະພາບຂອງຕອນຄ່ຳວັນທີ 21 ຕຸລາ, ທ່ານນາຍົກລັດຖະມົນຕີ ໄທ ໄດ້ຮຽກຮ້ອງໃຫ້ບັນດາຝ່າຍຈົ່ງອົດກັ້ນໃນສະພາບການປະທະກັນດ້ານການເມືອງປີນຂັ້ນໄດ ແລະ ໝັ້ນໝາຍວ່າ ຈະຍົກເລີກສະພາວະສຸກເສີນ ລະດັບ “ຮ້າຍແຮງ” ຢູ່ນະຄອນຫຼວງ ຖ້າຫາກວ່າບໍ່ເກີດການໃຊ້ຄວາມຮຸນແຮງ. ທ່ານນາຍົກລັດຖະມົນຕີ ປະຢຸດ ຈັນໂອຊາ ຊີ້ແຈ້ງວ່າ ມີວິທີໜຶ່ງດຽວເພື່ອຫຼຸດພົ້ນອອກຈາກການປະທະກັນ ແຕ່ບໍ່ສົ່ງຜົນເສຍຫາຍຕໍ່ປະເທດຊາດ ນັ້ນແມ່ນ ການເຈລະຈາ, ເຄົາລົບກົດໝາຍ ແລະ ພ້ອມກັນແກ້ໄຂຕາມຂັ້ນຕອນຂອງ ລັດຖະສະພາ. ທ່ານ ປະຢຸດ ຈັນໂອຊາ ເນັ້ນໜັກວ່າ ປັດຈຸບັນ, ລັດຖະບານພວມປະເຊີນໜ້າກັບບັນຫາທີ່ຮ້ອນເຮັ່ງຄ້າຍຄືກັນ ນັ້ນແມ່ນຫຼຸດຜ່ອນການກະທົບຂອງໂລກລະບາດໂຄວິດ - 19 ທີ່ມີຕໍ່ພື້ນຖານເສດຖະກິດ.