(vovworld) - ວັນທີ 12/4, ທ່ານ ປະທານປະເທດ ເຈືອງເຕິ໋ນຊາງ ໄດ້ເຂົ້າຮ່ວມກອງປະຊຸມໃຫຍ່ຜູ້ແທນສະມາຄົມນັກຮົບປະຕິວັດທີ່ຖືກສັດຕູຈັບ ແລະ ກັກຂັງ ແຂວງວີ້ງຟຸກອາຍຸການ (2014-2019. ທ່ານປະທານສະແດງຄວາມສະເທືອນໃຈເມື່ອໄດ້ພົບປະກັບບັນດານັກຮົບປະຕິວັດທີ່ອົງອາດກ້າຫານ ທີ່ຖືກສັດຕູຈັບ ແລະ ກັກຂັງ ແຂວງວີ້ງຟຸກ, ພ້ອມທັງສະແດງຄວາມເຊື່ອມໝັ້ນວ່າ, ບັນດານັກຮົບປະຕິວັດໃນເມື່ອກ່ອນຈະສືບຕໍ່ປະກອບສ່ວນເຂົ້າໃນການພັດທະນາບ້ານເກີດເມືອງນອນວີ້ງຟຸກ.
”ຂ້າພະເຈົ້າພາກພູມໃຈທີ່ສຸດເມື່ອເຫັນວ່າບັນດາອາດີດນັກຮົບຍາມໃດກໍ່ເສີມຂະຫຍາຍນຳ້ໃຈຂອງນັກຮົບປະຕິວັດ ແລະ ກາຍເປັນແບບຢ່າງໃນການຜະລິດ, ດຳເນີນທຸລະກິດ. ຂ້າພະເຈົ້າເຊື່ອໝັ້ນວ່າເຈດຈຳນົງປະຕິວັດ, ນ້ຳໃຈສະຫຼະຊີວິດເພື່ອປະເທດຊາດຂອງບັນດານັກຮົບຈະໄດ້ຮັບການເສີມຂະຫຍາຍ, ປະກອບສ່ວນເຂົ້າໃນພາລະກິດສ້າງສາ ແລະ ປົກປັກຮັກສາປະເທດຊາດ”.
ເມື່ອເຮັດວຽກກັບການນຳຫຼັກແຫຼ່ງຂອງແຂວງ, ທ່ານປະທານປະເທດ ເຈືອງເຕິ໋ນຊາງ ຊົມເຊີຍຄວາມມານະພະຍາຍາມຂອງແຂວງວີ້ງຟຸກໃນໃຕມາດທີ 1ປີນີ້ໄດ້ບັນລຸບາດກ້າວພັດທະນາ, ພິເສດ, ກະສີກຳໄດ້ເພີ່ມຂຶ້ນເກືອບ 7%. ທ່ານສະເໜີໃຫ້ອົງຄະນະພັກ, ອຳນາດການປົກຄອງ ພ້ອມກັບປະຊາຊົນມານະພະຍາຍາມຕັດສິນໃຈເພື່ອປະຕິບັດມະຕິກອງປະຊຸມໃຫຍ່ອົງຄະນະພັກແຂວງ ກໍ່ຄືມະຕິກອງປະຊຸມໃຫຍ່ພັກຄັ້ງທີ 11 ຢ່າງມີໄຊ ເພື່ອນຳຫວຽດນາມກາຍເປັນປະເທດອຸດສາຫະກຳ ແລະ ທັນສະໄໝໃນປີ 2020.