(vovworld) – ໃນການເຮັດວຽກເມື່ອເຊົ້າວັນທີ 2/3 ກັບອົງການໄອຍະການປະຊາຊົນສູງສຸດ, ທ່ານປະທານສະພາແຫ່ງຊາດຫວຽດນາມ ຫງວຽນຊິງຮູ່ງ ສະເໜີໃຫ້ຂະແໜງໄອຍະການປະຊາຊົນສືບຕໍ່ປ່ຽນແປງໃໝ່, ເຄື່ອນໄຫວປະຕິບັດພາລະໜ້າທີ່ປະຕິບັດສິດ ໄອຍະການ ແລະ ກວດກາການເຄື່ອນໄຫວຍຸຕິທຳໃຫ້ດີກ່ວາ, ປະກອບສ່ວນເຂົ້າໃນພາລະກິດສ້າງສາ, ປົກປັກຮັກສາ ແລະ ພັດທະນາປະເທດຊາດ. ທ່ານປະທານສະພາແຫ່ງຊາດ ຫງວຽນຊິງຮູ່ງ ຊີ້ແຈງວ່າ: ພາລະໜ້າທີ່ຂອງອົງການໄອຍະການປະຊາຊົນສູງສຸດໄດ້ກຳນົດຢ່າງລະອຽດໃນເນື້ອໃນລັດຖະທຳມະນູນປີ 1992 ສະບັບປັບປຸງ, ເພີ່ມເຕີມ. ດັ່ງນັ້ນ, ເພື່ອຍົກສູງຄຸນນະພາບ ໄອຍະການ, ຄຸນນະພາບກວດກາ, ອົງການໄອຍະການປະຊາຊົນສູງສຸດຄວນຄົ້ນຄ້ວາເພີ່ມເຕີມ, ອ້າງເຫດຜົນຄືແນວໃດເພື່ອສະແດງໃຫ້ເຫັນສິດນິຕິບັນຍັດ, ປະຕິບັດກົດໝາຍໃນລັດຖະທຳມະນູນ ແລະ ໃນປະມວນກົດໝາຍຢ່າງຈະແຈ້ງ. ຈາກນັ້ນ, ເມື່ອສະພາແຫ່ງຊາດປະກາດໃຫ້ກົດໝາຍແມ່ນຕ້ອງຮັບປະກັນຖືກຕ້ອງ ແລະ ເໝາະສົມກັບລັດຖະທຳມະນູນ. ທ່ານປະທານສະພາແຫ່ງຊາດ ຫງວຽນຊິງຮູ່ງ ຊີ້ແຈ້ງວ່າ:
“ອົງການໄອຍະການ ແມ່ນອົງການທີ່ເຄື່ອນໄຫວຕາມກົດໝາຍຂອງປະຊາຊົນ, ປະຕິບັດສິດຂອງປະຊາຊົນ ເພື່ອຕິດຕາມກວດກາການເຄື່ອນໄຫວຍຸຕິທຳ, ຢູ່ບ່ອນໃດມີການປະຕິບັດການເຄື່ອນໄຫວຍຸຕິທຳ ຂະແໜງໄອຍະການຕ້ອງປະຕິບັດສິດນັ້ນ. ຂ້າພະເຈົ້າຖືວ່າ: ສິດ ໄອຍະການ ແລະ ສິດກວດກາຍຸຕິທຳຢູ່ອົງການໄອຍະການປະຊາຊົນສູງສຸດຄວນຮັກສາໄວ້, ຮັບປະກັນ ແລະ ສ້າງເງື່ອນໄຂອຳນວຍຄວາມສະດວກ ເພື່ອປະຕິບັດມະຕິກອງປະຊຸມໃຫຍ່ສູນກາງພັກກອມມູນິດຫວຽດນາມ ຊຸດທີ 11 ເປັນຢ່າງດີ, ເຮັດຄືແນວນັ້ນພວກເຮົາທັງຜັນຂະຫຍາຍຖືກກັບຈິດໃຈມະຕິກອງປະຊຸມໃຫຍ່ຄັ້ງທີ 11 ທັງຖືກຕ້ອງກັບທິດສະດີພຶດຕິກຳຕົວຈິງຂອງພວກເຮົາໃນປະຈຸບັນ ”
ທ່ານປະທານສະພາແຫ່ງຊາດ ຫງວຽນຊິງຮູ່ງ ຮຽກຮ້ອງໃຫ້ຂະແໜງໄອຍະການຜັນຂະຫຍາຍມະຕິສູນກາງພັກຄັ້ງທີ 4 ກ່ຽວກັບວຽກງານສ້າງພັກໃນທົ່ວຂະແໜງໄອຍະການ ຢ່າງເດັດຂາດ ແລະ ຄົບຊຸດ, ປະກອບສ່ວນຢ່າງມີປະສິດທິຜົນໃຫ້ແກ່ພາລະກິດສ້າງສາ ແລະ ປົກປັກຮັກສາປະເທດຊາດເວົ້າລວມ ແລະ ການເຄື່ອນໄຫວໄອຍະການເວົ້າສະເພາະ.