(vovworld) - ວັນທີ 28/02, ປະທານນາທິບໍດີຜູ້ຖືກປົດຕຳແໜ່ງ ຢູແກຼມ Viktor Yanukovich ໄດ້ຈັດກອງປະຊຸມຂ່າວຢູ່ລັດເຊຍ. ບັນດາແຫຼ່ງຂ່າວໃຫ້ຮູ້ວ່າ ທ່ານ Viktor Yanukovich ຈະຈັດການປະຊຸມຂ່າວຢູ່ເຂດ Rostov on Don ໃນເວລາ 17 ໂມງຂອງວັນທີ 28/02 (ຕາມເວລາທ້ອງຖິ່ນ). ທ່ານ Viktor Yanukovich ໄດ້ເດີນທາງອອກຈາກນະຄອນຫຼວງ ກີແອບ ພາຍຫຼັງ 2 ອາທິດທີເກີດການໃຊ້ຄວາມຮຸນແຮງທີນອງເລືອດ ໃນສະພາບຂາດສະຖຽນລະພາບທີ່ເກີດຂຶ້ນເມື່ອເດືອນ 11/2013 ຢູ່ຢູແກຼນສິ້ນສຸດລົງ.
ກ່ອນນັ້ນ, ບັນດາສະມາຊິກສະພາແຫ່ງຊາດຂອງອູແກຼນ ໄດ້ປ່ອນບັດປົດຕຳແໜ່ງປະທານາທິບໍດີ ແລະ ສະພາແຫ່ງຊາດຢູແກຼນ ແລະ ຮັບຮອງເອົາມະຕິມອບໂອນສິດອຳນາດຂອງປະທານາທິບໍດີ Yanukovich ໃຫ້ທ່ານປະທານສະພາແຫ່ງຊາດ Alexandre Tuchinov. ໃນວາລະປະຊຸມເມື່ອວັນທີ 27/02, ສະພາແຫ່ງຊາດຢູແກຼນ ໄດ້ຮັບຮອງເອົາຂໍ້ສະເໜີທ່ານ Arseny Yatsenyuk ເປັນນາຍົກລັດຖະມົນຕີຊົ່ວຄາວ ແລະ ອະນຸມັດຜ່ານຄະນະສະມາຊິກລັດຖະບານໃໝ່ຂອງປະເທດນີ້. ໃນບົດກ່າວປາໄສທຳອິດຕໍ່ສະພາແຫ່ງຊາດ, ທ່ານນາຍົກລັດຖະມົນຕີຊົ່ວຄາວ Yatsenyuk, ອະດີດລັດຖະມົນຕີກະຊວງເສດຖະກິດ ຖະແຫຼງວ່າ ຈະປະຕິບັດບັນດາມາດຕະການພິເສດເພື່ອເຮັດໃຫ້ຢູແກຼນ ຫຼຸດພົ້ນອອກຈາກສະພາບວິກິດການດ້ານເສດຖະກິດຢ່າງຮ້າຍແຮງຄືປະຈຸບັນ.