ທ່ານຮອງນາຍົກລັດຖະມົນຕີ ຮ່ວາງຈູງຫາຍ
(vovworld) – ກ່າວຄວາມເຫັນໃນພິທີອັດສົກຮຽນ 2012 – 2013 ຂອງວິທະຍາຄານປ້ອງກັນປະເທດ, ໃນຕອນເຊົ້າວັນທີ 19/7, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ສະເໜີໃຫ້ວິທະຍາຄານຄວນສ້າງບາດກ້າວຫັນປ່ຽນທີ່ຕັ້ງໜ້າ, ມີລັກສະນະບຸກທະລຸໃນການສຶກສາ - ບຳລຸງສ້າງ, ຄົ້ນຄ້ວາວິທະຍາສາດໃຫ້ເໝາະສົມກັບຍຸດທະສາດປົກປັກຮັກສາປະເທດຊາດໃນໄລຍະໃໝ່. ວິທະຍາຄານຄວນນຳໜ້າໃນການຍົກສູງຄູນນະພາບ, ປະສິດທິຜົນໃນວຽກງານບຳລຸງສ້າງພະນັກງານກອງທັບ ແລະ ບຳລຸງສ້າງ, ສຶກສາວຽກງານປ້ອງກັນຊາດ - ປ້ອງກັນຄວາມສະຫງົບຂອງທົ່ວປະເທດ. ວິທະຍາຄານກໍ່ຕ້ອງຍົກສູງຄູນນະພາບຖັນແຖວຄູອາຈານ, ພະນັກງານຄຸ້ມຄອງການສຶກສາ ໄປຄຽງຄູ່ກັບການຍູ້ແຮງຄວາມກ້າວໜ້າ, ຫັນເປັນທັນສະໄໝ ແລະ ຍົກສູງຄູນນະພາບພື້ນຖານດ້ານວັດຖຸ, ອຸປະກອນການສິດສອນ. ດ້ານອື່ນຕ້ອງກໍ່ສ້າງວິທະຍາຄານໃຫ້ໝັ້ນຄົງເຂັ້ມແຂງຮອບດ້ານ, ເປັນກອງກຳລັງຫຼວງ, ເປັນແບບຢ່າງເພື່ອຈັດຕັ້ງປະຕິບັດໜ້າທີ່ເຝິກແອບ - ບຳລຸງສ້າງ, ຄົ້ນຄ້ວາວິທະຍາສາດປ້ອງກັນປະເທດ, ການທະຫານ ແລະ ບຳລຸງສ້າງ ຮ່ວມມືກັບສາກົນ.