(ທ່ານນາຍົກລັດຖະມົນຕີ
ຫງວຽນເຕີນຢຸງ)
(vovworld) - ຕອນເຊົ້າວັນທີ 22/01, ຢູ່ຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ, ປະທານສະພາແຂ່ງຂັນ - ມອບລ້າງວັນສູນກາງ, ໄດ້ເປັນປະທານກອງປະຊຸມຄັ້ງທີ 50 ຂອງສະພາ. ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ສະເໜີວ່າ ວຽກງານແຂ່ງຂັນ, ມອບລ້າງວັນຕ້ອງຕິດພັນກັບໜ້າທີ່ພັດທະນາເສດຖະກິດສັງຄົມຂອງປີ 2013, ປະກອບສ່ວນປະຕິບັດຈຸດໝາຍຂອງປີແມ່ນເພີ່ມທະວີການຮັກສາເສດຖະກິດມະຫາພາກເປັນປົກກະຕິ, ຫຼຸດຜ່ອນໄພເງິນເຟີ້, ບັນລຸລະກັບເຕີບໂຕສູງກວ່າປີ 2012 ຢ່າງມີໄຊ; ຍູ້ແຮງການປະຕິບັດ 3 ຂອດບຸກທະລຸຍຸດທະສາດຕິດພັນກັບການສ້າງໂຄງປະກອບເສດຖະກິດຄືນໃໝ່, ຫັນປ່ຽນຮູບແບບເຕີບໂຕ; ຮັບປະກັນຊີວິດສັງຄົມ ແລະ ສະຫວັດດີການສັງຄົມ... ສຳລັບວຽກງານຍ້ອງຍໍ ມອບລ້າງວັນ, ຕ້ອງເອົາໃຈໃສ່ເຖິງເລື່ອງຄົ້ນພົບປັດໃຈໃໝ່, ຮູບແບບດີເດັ່ນກ້າວໜ້າ, ວຽກດີຄົນເດັ່ນ ໃນຂະບວນການແຂ່ງຂັນ ມອບລ້າງວັນ ແລະ ເຊີດຊູຢ່າງທັນທານ. ໃນນັ້ນເອົາໃຈໃສ່ເຖິງຮູບແບບການຍ້ອງຍໍໂດຍບັງເອີນ, ຍ້ອງຍໍສ່ວນບຸກຄົນທີ່ດີເດັ່ນ, ກ້າວໜ້າແມ່ນຄົມງານໂດຍກົງ. ທ່ານນາຍົກລັດຖະມົນຕີ ຫງວຽນເຕີນຢຸງ ຮຽກຮ້ອງໃຫ້ບັນດາກະຊວງ, ຂະແໜງການ, ແນວໂຮມ, ໝູ່ຄະນະ, ທ້ອງຖິ່ນ ຕ້ອງເອົາໃຈໃສ່ກວ່າອີກເຖິງວຽກງານໂຄສະນາ, ເພື່ອແນໃສ່ທະວີຄຸນບັນດາຮູບແບບກ້າວໜ້າ, ແບບຢ່າງວຽກດີຄົນເດັ່ນ.