ສິດທິມະນຸດຢູ່ຫວຽດນາມ ບໍ່ອາດອີງໃສ່ຂໍ້ມູນຂ່າວທີ່ຜິດເຂວ
ທ່ານຫງວຽນແທງເຊີນ, ຫົວໜ້າຫ້ອງການ
ປະຈຳສິດທິມະນຸດຂອງຫວຽດນາມ
(ພາບ: wap.tinngan.vn)
(vovworld)- ຄືດັ່ງທີ່ພວກເຮົາໄດ້ໃຫ້ຂ່າວໄປແລ້ວ, ວັນທີ 19/4 ຜ່ານມາ, ກະຊວງການຕ່າງປະເທດອາເມລິກາ ໄດ້ປະກາດບົດລາຍງານປະຈຳປີກ່ຽວກັບສະພາບສິດທິມະນຸດໃນໂລກ, ໃນນັ້ນມີຫວຽດນາມ. ກ່ອນໜ້ານັ້ນ, ລັດຖະສະພາເອີລົບ ກໍ່ໄດ້ປຶກສາຫາລື ແລະ ອອກມະຕິກ່ຽວກັບສະພາບສິດທິມະນຸດຢູ່ຫວຽດນາມ. ຕາມນັ້ນແລ້ວ, ເຂົາເຈົ້າໄດ້ຍົກອອກບັນດາຄຳກ່າວຫາຫວຽດນາມ ກ່ຽວກັບສິດເສລີພາບໃນການປາກເວົ້າ, ສິດເສລີພາບດ້ານສື່ມວນຊົນ, ອິນເຕີເນັດ…ຕອບສຳພາດນັກຂ່າວວິທະຍຸກະຈາຍສຽງຫວຽດນາມ, ທ່ານຫງວຽນແທງເຊີນ, ຫົວໜ້າຫ້ອງການປະຈຳສິດທິມະນຸດຂອງຫວຽດນາມ ຖືວ່າ: ນີ້ແມ່ນບັນດາຄຳກ່າວຫາທີ່ຂາດພາວະວິໄສ, ອີງບົນບັນດາຂ່າວທີ່ຜິດເຂວກ່ຽວກັບສະພາບສິດທິມະນຸດຢູ່ຫວຽດນາມ:
“ມີບາງສິ່ງທີ່ເຂົາເຈົ້າຍົກອອກມາຂາດພາວະວິໄສ, ແຊກແຊງເຂົ້າວຽກງານພາຍໃນຂອງຫວຽດນາມ, ໄປຝືນກັບທ່າອ່ຽງແຫ່ງການພົວພັນລະຫວ່າງຫວຽດນາມ ກັບອີຢູ ແລະ ອາເມລິກາ. ບັນດາບົດລາຍງານຂອງເຂົາເຈົ້າອີງບົນບັນດາຂໍ້ມູນຂ່າວທີ່ຜິດເຂວ, ບໍ່ອີງຕາມສະພາບການຕົວຈິງຢູ່ຫວຽດນາມ. ເຂົາເຈົ້າອີງຕາມບັນດາຂໍ້ມູນຂ່າວບໍ່ເປັນທາງການ, ຈາກບັນດາສ່ວນບຸກຄົນມີແນວຄິດຕ້ານທຳລາຍລັດຫວຽດນາມ, ເສກສັນປັ້ນແຕ່ງສະພາບສິດທິມະນຸດຢູ່ຫວຽດນາມ ເປັນປະຈຳ. ພວກຂ້າພະເຈົ້າເດັດດ່ຽວຄັດຄ້ານບັນດາເນື້ອໃນທີ່ຜິດເຂວ, ເສກສັນປັ້ນແຕ່ງການຮັບກະກັນສິດທິມະນຸດຢູ່ຫວຽດນາມ ໃນປະຈຸບັນ“
ທ່ານຫງວຽນແທງເຊີນ ໃຫ້ຮູ້ວ່າ: ປະຈຸບັນ, ຢູ່ຫວຽດນາມ ມີໜັງສືພິມກ່ວາ 700 ສະບັບ, ກ່ວາ 1000 ສື່ເອເລັກໂຕນິກ ແລະ ປະຊາຊົນປະມານ 31 ລ້ານຄົນນຳໃຊ້ອິນເຕີເນັດ ຊື່ງສະແດງໃຫ້ເຫັນວ່າ: ຢູ່ຫວຽດນາມ ບໍ່ມີເລື່ອງກີດຂວາງສິດເສລີພາບໃນການປາກເວົ້າ ຫລືອິນເຕີເນັດ.