( vovworld ) - ວັນທີ 29/2, ສປປ.ເກົາຫຼີ ໄດ້ປະກາດເຫັນດີຢຸດຊົ່ວຄາວບັນດາການເຄື່ອນໄຫວທົດລອງນິວເຄຼີຍ, ຍິງລູກສອນໄຟໄລຍະໄກ ແລະ ການເຄື່ອນໄຫວເສີມທາດຢູຣານຽມ ຢູ່ຮາກຖານນິວເຄຼຍ Yongbyon. ພຽງຢາງ ກໍອະນຸຍາດໃຫ້ອົງການພະນັກງານປະລະມານູສາກົນ ( IAEA ) ຕິດຕາມກວດກາການຢຸດຕິການເສີມທາດຢູຣານຽມຊົ່ວຄາວ ໃນໄລຍະດຳເນີນບັນດາການເຈລະຈາທີ່ມີລັກສະນະສ້າງສັນ.
ຫາງສຽງສາກົນໄດ້ມີການຕີລາຄາຢ່າງຕັ້ງໜ້າພາຍຫຼັງສປປ.ເກົາຫຼີ ອອກຖະແຫຼງການ ຢຸດຕິການເຄື່ອນໄຫວນິວເຄຼີຍຂອງປະເທດນີ້. ນີ້ແມ່ນໜື່ງໃນບັນດາຂໍ້ຕົກລົງທີ່ບັນລຸໄດ້ຢູ່ທີ່ການເຈລະຈາລະຫວ່າງອາເມລິກາ - ສປປ.ເກົາຫຼີ ຄັ້ງທີ 3 ນັບແຕ່ເມື່ອປີ 2011, ເຊິ່ງດຳເນີນໄປຢູ່ບັກກິງ ( ປະເທດຈີນ ) ໃນອາທິດກ່ອນ. ທ່ານເລຂາທິການໃຫຍ່ສະຫະປະຊາຊາດ Ban Kimoon ໄດ້ສະແດງຄວາມປາດຖະໜາວ່າ ທັງອາເມລິກາ ແລະ ສປປ.ເກົາຫຼີ ສືບຕໍ່ຍູ້ແຮງບັນດາຄວາມມານະພະຍາຍາມໃນການເຈລະຈາເພື່ອແນໃສ່ແກ້ໄຂບັນດາບັນຫາທີ່ຍັງຕິດຂັດໂດຍສັນຕິວິທີ. ແລະກໍໃນວັນດ່ຽວກັນ, ທ່ານນາງລັດຖະມົນຕີການຕ່າງປະເທດອາເມລິກາ Hillary Clinton ໄດ້ຢືນຢັນວ່າ ວໍຊິງຕັນ ຈະຕິດຕາມການເຄື່ອນໄຫວຂອງພຽງຢາງ ຢ່າງໃກ້ຊິດ. ທ່ານລັດຖະມົນຕີການຕ່າງປະເທດຍີ່ປຸ່ນ Koichiro Gemba ໄດ້ຕີລາຄາສູງເລື່ອງສປປ.ເກົາຫຼີ ຢຸດຕິໂຄງການນິວເຄຼີຍ ນີ້ແມ່ນບາດກ້າວເດີນທີ່ສຳຄັນ. ໃນຂະນະນັ້ນ, ຜູ້ອຳໜ່ວຍການໃຫຍ່ IAEA ທ່ານ Yukiya Amano ໄດ້ເວົ້າວ່າ IAEA ໄດ້ກ່ຽມພ້ອມກັບຄືນຮາກຖານນິວເຄຼີຍຂອງສປປ.ເກົາຫຼີ ເພື່ອຕິດຕາມກວດກາການຢຸດຕິບັນດາການເຄື່ອນໄຫວດ້ານນິວເຄຼີຍ.