ສປປ ເກົາຫຼີ-ອາເມລິກາ ສິ້ນສຸດການເຈລະຈາກ່ຽວກັບ ບັນຫາຊ່ວຍເຫຼືອທັນຍາຫານ
ນັກຂ່າວ VOV ປະຈຳຈີນ -  
ທູດພິເສດຂອງອາເມລິກາແລກປ່ຽນ
ຫຼັງການເຈລະຈາ
|
( vovworld ) – ນັກຂ່າວວິທະຍຸກະຈາຍສຽງຫວຽດນາມ ປະຈຳຈີນ ໃຫ້ຂ່າວວ່າ, ວັນທີ 8/3, ອາເມລິກາ ແລະ ສາທາລະນະລັດ ປະຊາຊົນ ປະຊາທິປະໄຕເກົາຫຼີ (ສປປ ເກົາຫຼີ) ໄດ້ສິ້ນສຸດການເຈລະຈາກ່ຽວກັບເລື່ອງອາເມລິກາ ຊ່ວຍເຫຼືອທັນຍາຫານໃຫ້ແຫ່ ສປປ ເກົາຫຼີ ຢູ່ປັກກີງ ປະເທດຈີນ. ຂ່າວໃຫ້ຮູ້ວ່າ, ໃນເວລາ 2 ວັນດຳເນີນການເຈລະຈາ, ສອງຝ່າຍໄດ້ສຸມໃສ່ປຶກສາຫາລືກ່ຽວກັບໄລຍະເວລາກໍຄືວິທີໂດຍອາເມລິກາ ສົ່ງທັນຍາຫານຊ່ວຍເຫຼືອໃຫ້ແກ່ ສປປ ເກົາຫຼີ ແລະ ການຕິດຕາມກວດກາເລື່ອງແຈກຢາຍທັນຍາຫານ.
ໂຄງການຊ່ວຍເຫຼືອທັນຍາຫານດັ່ງກ່າວ ແມ່ນສ່ວນໜື່ງຂອງຂໍ້ຕົກລົງບັນລຸໄດ້ໃນການເຈລະຈາຂັ້ນສູງລະຫວ່າງ ສປປ ເກົາຫຼີ-ອາເມລິກາ ຄັ້ງທີ 3 ຊື່ງໄດ້ດຳເນີນໄປຢູ່ປັກກີງ ເມື່ອອາທິດກ່ອນ. ຕາມນັ້ນແລ້ວ, ສປປ ເກົາຫຼີ ຈະຢຸດຕິບັນດາການເຄື່ອນໄຫວນີວເຄຼຍ, ຍິງລູກສອນໄຟໄລຍະໄກ ກໍຄືການເສີມທາດອູຣານຽມ, ເພື່ອແລກເອົາການຊ່ວຍເຫຼືອດ້ານທັນຍາຫານໃນຈຳນວນ 240.000 ໂຕນ, ກ່ອນອື່ນໝົດແມ່ນສະຫງວນໃຫ້ເດັກນ້ອຍ, ແມ່ຍິງຖືພາ ແລະ ຜູ້ເຖົ້າແກ່. ນີ້ແມ່ນການຊ່ວຍເຫຼືອທັນຍາຫານເປັນຄັ້ງທຳອິດຂອງລັດຖະບານອາເມລິກາ ໃຫ້ສປປ ເກົາຫຼີ ໃນຮອບເວລາ 3 ປີຜ່ານມາ.
ນັກຂ່າວ VOV ປະຈຳຈີນ