ສື່ມວນຊົນເຢຍລະມັນຍ້ອງຍໍຊົມເຊີຍພົນເອກຫວໍ້ງວຽນຢາບ
ພົນເອກ ຫວໍ້ງວຽນຢາບ
(ພາບປະກອບ)
(vovworld) - ໜັງສືພິມຫຼາຍສະບັບຂອງເຢຍລະມັນ ສືບຕໍ່ມີບົດຍ້ອງຍໍຊົມເຊີຍຄວາມເກັ່ງກ້າສາມາດ ກໍຄື ຈຸດປະສົງດ້ານການທະຫານອັນສູງສົ່ງຂອງພົນເອກ ຫວໍ້ງວຽນຢາບ ພາຍຫຼັງທ່ານພົນເອກເຖິງແກ່ມໍລະນະກຳມາເປັນເວລາ 14 ວັນ. ບົດຂຽນໄດ້ລົງພິມໃນໜັງສືພິມ “ປະເທດເຢຍລະມັນໃໝ່” ເມື່ອວັນທີ 17/10 ໂດຍໃຫ້ຮູ້ວ່າ: ໃນຊຸມວັນນີ້, ໜັງສືພິມຂອງຝ່າຍຕາເວັນຕົກໄດ້ປຽບທຽບພົນເອກ ຫວໍ້ງວຽນຢາບ ກັບບັນດາຜູ້ບັນຊາການທີ່ມີຊື່ສຽງຂອງໂລກ. ຕາມຜູ້ຂຽນແລ້ວ, ບັນດາຜູ້ທີ່ໄດ້ປຽບທຽບຄືແນວນັ້ນບໍ່ເອົາໃຈໃສ່ເຖິງຈຸດພິເສດທີ່ວ່າ: “ຈຸດປະສົງດ້ານການທະຫານຂອງພົນເອກ ບໍ່ແມ່ນເພື່ອຢືດຄອງປະເທດອື່ນ ຫຼືວ່າກົດຂີ່ປະເທດອື່ນ, ຫາກເພື່ອຢຸດຕິແອບປົກຄອງຂອງເສິກຕ່າງດ້າວໃນບ້ານເກີດເມືອງນອນຂອງເພີ່ນ”. ກ່ອນໜ້ານັ້ນ, ໜັງສືພິມ “ໂລກແຫ່ງໄວໜຸ່ມ” ຂອງເຢຍລະມັນມີບົດຂຽນຍາວ ແລະ ເລິກເຊິ່ງກ່ຽວກັບນ້ຳໃຈຂອງຊາວ ຫວຽດນາມ ທີ່ສະຫງວນໃຫ້ແກ່ພົນເອກໃນພິທີສັ່ງລາດວງວິນຍານຂອງພົນເອກໄປສູ່ສຸຂະຕິ. ສິ່ງເອເລັກໂຕນິກອື່ນໆຂອງເຢຍລະມັນກໍ່ໄດ້ໃຫ້ຂ່າວ, ພາບຍ້ອງຍໍຊົມເຊີຍຄວາມເກັ່ງກ້າສາມາດດ້ານການທະຫານຂອງພົນເອກ ຫວໍ້ງວຽນຢາບ.