ສະພາແຫ່ງຊາດຕິດຕາມກວດກາບາງຫົວເລື່ອງສະເພາະໃນຂົງເຂດປ້ອງກັນຊາດ, ປ້ອງກັນຄວາມສະຫງົບຢູ່ພາກໃຕ້
ທ່ານຫງວຽນກິມຄວາ, ກຳມະການຄະນະປະຈຳສະພາແຫ່ງຊາດ, ຫົວໜ້າກຳມາທິການປ້ອງກັນຊາດ, ປ້ອງກັນຄວາມສະຫງົບຂອງສະພາແຫ່ງຊາດ
(ພາບປະກອບ)
(vovworld) – ວັນທີ 4/7, ຢູ່ນະຄອນໂຮ່ຈີມິນ, ກຳມາທິການປ້ອງກັນຊາດ, ປ້ອງກັນຄວາມສະຫງົບຂອງສະພາແຫ່ງຊາດຊຸດທີ 13 ໄດ້ເຮັດວຽກກັບບາງຫົວໜ່ວຍ, ທ້ອງຖີ່ນຢູ່ພາກໃຕ້ ກ່ຽວກັບບາງຫົວເລື່ອງສະເພາະໃນຂົງເຂດປ້ອງກັນຊາດ, ປ້ອງກັນຄວາມສະຫງົບ. ເນື້ອໃນສຸມໃສ່ 3 ຫົວເລື່ອງສະເພາະແມ່ນ: ຕິດຕາມກວດກາການປະຕິບັດກົດໝານກ່ຽວກັບໂຄງປະກອບ, ການຈັດຕັ້ງທີ່ຂຶ້ນກັບກະຊວງປ້ອງກັນປະເທດ, ກະຊວງຕຳຫຼວດ ແລະ ບາງລະບອບນະໂຍບາຍຕົ້ນຕໍສຳລັບຜູ້ທີ່ຮັບເງິນເດືອນໃນກຳລັງກອງທັບ ແລະ ຕຳຫຼວດປະຊາຊົນ; ຕິດຕາມກວດກາວຽກງານຄຸ້ມຄອງ, ນຳໃຊ້ທີ່ດິນ, ການປະຕິບັດກົດໝາຍກ່ຽວກັບການເຂົ້າອອກເມືອງ ແລະ ການພັກອາໄສຂອງຊາວຕ່າງປະເທດຢູ່ຫວຽດນາມ. ທ່ານຫງວຽນກິມຄວາ, ກຳມະການຄະນະປະຈຳສະພາແຫ່ງຊາດ, ຫົວໜ້າກຳມາທິການປ້ອງກັນຊາດ, ປ້ອງກັນຄວາມສະຫງົບຂອງສະພາແຫ່ງຊາດ, ໃຫ້ຮູ້ວ່າ, ການເຮັດວຽກນີ້ເພື່ອແນໃສ່ຮັບຟັງບົດລາຍງານ ແລະ ຄຳເຫັນປະກອບຂອງບັນດາອົງການ, ຫົວໜ່ວຍທ້ອງຖີ່ນ ກ່ຽວກັບຫົວເລື່ອງສະເພາະດັ່ງກ່າວ, ຈາກນັ້ນສາມາດປັບປຸງວຽກງານສ້າງຖັນແຖວຕຳຫຼວດປະຊາຊົນ ແລະ ສະພາແຫ່ງຊາດກໍ່ສາມາດຕິດຕາມກວດກາໂຄງປະກອບ, ການຈັດຕັ້ງຂອງບັນດາກຳລັງນີ້ໄດ້, ປະກອບສ່ວນຮັບໃຊ້ການສ້າງ ແລະ ກວດກາກົດໝາຍ, ລັດຖະບັນຍັດຈຳນວນໜຶ່ງທີ່ຂຶ້ນກັບຂົງເຂດປ້ອງກັນຊາດ, ປ້ອງກັນຄວາມສະຫງົບ.