(vovworld)- ວັນທີ 29/3, ສະຫະພັນບັນດາອົງການຈັດຕັ້ງມິດຕະພາບຫວຽດນາມ, ສະຖານທູດມາເລເຊຍ ປະຈຳຫວຽດນາມ ທີ່ຮ່າໂນ້ຍ ໄດ້ຈັດງານຊຸມນຸມມິດຕິງສະເຫຼີມສະຫຼອງ 40 ປີແຫ່ງວັນສ້າງຕັ້ງສາຍພົວພັນທາງການທູດຫວຽດນາມ-ມາເລເຊຍ (30/3/1973-30/3/2013). ກ່າວຄຳເຫັນທີ່ງານຊຸມນຸມມິດຕິງ, ທ່ານໂດ໋ຫິ໋ວຮ່າວ, ປະທານສະມາຄົມມິດຕະພາບຫວຽດນາມ-ມາເລເຊຍ ເນັ້ນໜັກວ່າ: ໃນ 40 ປີຜ່ານມາ, ການພົວພັນມິດຕະພາບ ແລະ ການຮ່ວມມືຮອບດ້ານລະຫວ່າງຫວຽດນາມ-ມາເລເຊຍ ໄດ້ມີບັນດາບາດກ້າວພັດທະນາທີ່ໜ້າຊື່ນຊົມ. ສ່ວນທ່ານເອກອັກຄະລັດຖະທູດມາເລເຊຍ ປະຈຳ ຫວຽດນາມ Dato Azmil Zabidi ໃນການຕອບສຳພາດນັກຂ່າວ
ວິທະຍຸກະຈາຍສຽງຫວຽດນາມ ກໍ່ຢືນຢັນວ່າ:
“ໃນ 40 ປີຜ່ານມາ, ການພົວພັນລະຫວ່າງຫວຽດນາມ-ມາເລເຊຍ ໄດ້ມີບາດກ້າວພັດທະນາໃໝ່. ການຄ້າສອງຝ່າຍໄດ້ບັນລຸກ່ວາ 9 ຕື້ໂດລາສະຫະລັດໃນປີ 2012. ການລົງທຶນຂອງມາເລເຊຍ ເຂົ້າຫວຽດນາມ ກໍ່ບັນລຸໄດ້ປະມານ 12 ຕື້ໂດລາສະຫະລັດ. ສິ່ງດັ່ງກ່າວສະແດງໃຫ້ເຫັນຄວາມເຊື່ອໝັ້ນຂອງບັນດານັກລົງທຶນມາເລເຊຍ ຕໍ່ຄວາມສາມາດບົ່ມຊ້ອນຂອງຫວຽດນາມ. ການຮ່ວມມືດ້ານການທ່ອງທ່ຽວລະຫວ່າງສອງປະເທດກໍ່ໄດ້ຮັບການເພີ່ມທະວີຢ່າງບໍ່ຢຸດຢັ້ງ“