ສ້າງລະບົບກົດໝາຍຫວຽດນາມໃຫ້ສົມບູນແບບ
ທ່ານຮອງຫົວໜ້າຄະນະການເມືອງພາຍໃນສູນກາງ ຫງວຽນຢວານ
ແຄ໋ງ ກ່າວຄຳເຫັນທີ່ກອງປະຊຸມ
|
(vovworld) – ຕອນເຊົ້າວັນທີ 12/5 ຢູ່ ຮ່າໂນ້ຍ, ໄດ້ດຳເນີນກອງປະຊຸມຜັນຂະຫຍາຍແຜນການສະຫລຸບ 10 ປີແຫ່ງວັນປະຕິບັດມະຕິເລກທີ 48 ຂອງກົມການເມືອງກ່ຽວກັບຍຸດທະສາດສ້າງລະບົບກົດໝາຍຂອງ ຫວຽດນາມ ຮອດປີ 2010 ໃຫ້ສົມບູນແບບ, ກຳນົດທິດຮອດປີ 2020 ຢູ່ພາກເໜືອ. ຜ່ານ 10 ປີແຫ່ງການຜັນຂະຫຍາຍປະຕິບັດມະຕິ, ວຽກງານນິຕິບັນຍັດຂອງລັດ ມີບັນດາຄວາມກ້າວໜ້າ ແລະ ການຫັນປ່ຽນໂດຍພື້ນຖານ, ລະບົບກົດໝາຍ ຫວຽດນາມ ໄດ້ສ້າງໃຫ້ສົມບູນແບບເທື່ອລະກ້າວ, ສ້າງພື້ນຖານດ້ານນິຕິກຳສຳຄັນ, ແມ່ນກຳລັງໜູນຢ່າງແຮງເພື່ອປະຕິບັດສຳເລັດພາລະກິດປ່ຽນໃໝ່ປະເທດຊາດຮອບດ້ານ ແລະ ເຊື່ອມໂຍງເຂົ້າກັບສາກົນ. ກ່າວຄຳເຫັນທີ່ກອງປະຊຸມ, ທ່ານຮອງຫົວໜ້າຄະນະການເມືອງພາຍໃນສູນກາງ ຫງວຽນຢວານແຄ໋ງ, ຮອງຫົວໜ້າຄະນະປະຈຳການຄະນະຊີ້ນຳ ສະເໜີວ່າ: ບັນດາກະຊວງ, ຂະແໜງການ, ທ້ອງຖິ່ນຕ່າງໆສືບຕໍ່ສ້າງລະບົບກົດໝາຍ, ບັນດາມາດຕະການກ່ຽວກັບການສ້າງກົດໝາຍ ແລະ ປະຕິບັດກົດໝາຍໃຫ້ສົມບູນແບບ.