ທ່ານນາງ ຫງວຽນເຟືອງງາ, ຫົວຫນ້າຄະນະຜູ້ຕາງຫນ້າ
ຫວຽດນາມ ປະຈຳ ສປຊ
ພາບ: nld.com.vn
|
(vovworld)- ໃນວັນທີ 15 ແລະ 16/10, ຄະນະກຳມະການນິຕິທຳ ຂຶ້ນກັບສະມັດຊາໃຫຍ່ ສປຊ ຊຸດທີ 70 ໄດ້ປຶກສາຫາລືກ່ຽວກັບ ພາກ “ອຳນາດນິຕິບັນຍັດຢູ່ລະດັບຊາດ ແລະ ສາກົນ”. ກ່າວຄຳເຫັນທີ່ວາລະປຶກສາຫາລື, ທ່ານນາງ ຫງວຽນເຟືອງງາ, ຫົວຫນ້າຄະນະຜູ້ຕາງຫນ້າ ຫວຽດນາມ ປະຈຳ ສປຊ ເນັ້ນຫນັກວ່າ: ໂດຍແມ່ນສະມາຊີກຕັ້ງຫນ້າ, ມີຄວາມຮັບຜິດຊອບຂອງປະຊາຄົມສາກົນ, ຫວຽດນາມ ສະຫນັບສະຫນູນການປະຕິບັດອຳນາດນິຕິບັນຍັດຢູ່ລະດັບຊາດ ແລະ ສາກົນ ເໝາະສົມກັບບັນດາຫລັກການຂອງ ກົດບັດ ສປຊ. ຫວຽດນາມ ມີຄຳໝັ້ນສັນຍາ ສືບຕໍ່ຮ່ວມມືຢ່າງແຫນ້ນແຟ້ນກັບບັນດາອົງການຂອງ ສປຊ, ບັນດາປະເທດສະມາຊິກ ແລະ ບັນດາຄູ່ຮ່ວມມືໃນປະຊາຄົມສາກົນ ເພື່ອຮັບປະກັນ ແລະ ຊຸກຍູ້ການປະຕິບັດອຳນາດນິຕິບັນຍັດຢູ່ລະດັບຊາດ ແລະ ສາກົນ. ທີ່ວາລະປຶກສາຫາລື, ບັນດາຜູ້ແທນມາຈາກບັນດາປະເທດສະມາຊິກ ຂອງ ສປຊ ເຫັນດີໂດຍຖືວ່າ: ຫລັກການເຄົາລົບອຳນາດນິຕິບັນຍັດ ແມ່ນປັດໄຈພື້ນຖານ ຊຸກຍູ້ການພົວພັນຮ່ວມມື, ສະເຫມີພາບ ລະຫວ່າງບັນດາປະເທດ, ຮັບປະກັນ ແລະ ຮັກສາສັນຕິພາບ, ຄວາມໝັ້ນຄົງ ສາກົນ, ແກ້ໄຂບັນດາການຂັດແຍ້ງສາກົນໂດຍສັນຕິວິທີ ແລະ ຄວາມຈະເລີນຮຸ່ງເຮືອງໃນໂລກ.