ຫວຽດນາມເຂົ້າຮ່ວມງານຕະຫຼາດນັດສາກົນ“ສິລະປະຕຳ່ແຜ່ນຕັດຫຍິບ”ຄັ້ງທີ8ຢູ່Venezuala
(ພາບປະກອບຈາກ Dương Giang/TTXVN)
(vovworld) – ງານຕະຫຼາດນັດສາກົນ “ສິລະປະຕຳ່ແຜ່ນຕັດຫຍິບ” ຄັ້ງທີ 8 (Artextil) ໄດ້ຖືກໄຂຂຶ້ນຢູ່ນະຄອນຫຼວງ Caracas, ແຕ່ວັນທີ 1 – 9/11. ກ່າວຄຳເຫັນທີ່ພິທີໄຂ, ທ່ານລັດຖະມົນຕີວ່າການກະຊວງວັດທະນະທຳ Venezuala Reinaldo Iturriza, ຖືວ່າ: ການເຂົ້າຮ່ວມຂອງຄະນະນັກສິລະປະການ ຫວຽດນາມ ແມ່ນກາລະໂອກາດເພື່ອໃຫ້ປະຊາຊົນ Venezuala ເຂົ້າໃຈກ່ວາກ່ຽວກັບປະເທດຊາດ, ຊາວ ຫວຽດນາມ, ປະກອບສ່ວນຮັດແໜ້ນການພົວພັນມິດຕະພາບລະຫວ່າງ 2 ປະເທດກ່ວາອີກ, ພິເສດແມ່ນກ່ຽວກັບດ້ານວັດທະນະທຳ. ນອກຈາກການນຳມາວາງສະແດງບັນດາຜະລິດຕະພັນ ແລະ ປະດັບປະດາຮ້ານວາງສະແດງ, ຄະນະ ຫວຽດນາມ ກໍ່ໄດ້ຢ້ຽມຊົມ ແລະ ເຂົ້າຮ່ວມການແລກປ່ຽນບົດຮຽນໃນຂົງເຂດຕ່ຳແຜ່ນຕັດຫຍິບກັບບັນດາຄູ່ຮ່ວມມືປະເທດປະຈຳຖີ່ນ ແລະ ສາກົນ. ຝ່າຍ Venezuala ຕີລາຄາສູງບົດຮຽນຂອງ ຫວຽດນາມ ໃນຂົງເຂດຫັດຖະກຳເວົ້າລວມ ແລະ ຕ່ຳແຜ່ນຕັດຫຍິບເວົ້າສະເພາະ, ຖືນີ້ແມ່ນກາລະໂອກາດເພື່ອໃຫ້ບັນດານັກສິລະປະການ Venezuala ໄດ້ສຳພັດໂດຍກົງ ແລະ ແລກປ່ຽນວິຊາຊີບກັບບັນດານັກສິລະປະການ ຫວຽດນາມ. ພິເສດ, Venezuala ກໍເອົາໃຈໃສ່ເຖິງບົດຮຽນໃນການປົກປັກຮັກສາ ແລະ ເສີມຂະຫຍາຍບັນດາຄຸນຄ່າທີ່ເປັນມູນເຊື້ອຂອງບັນດາໝູ່ບ້ານອາຊີບ ຫວຽດນາມ, ຖືນີ້ແມ່ນຮູບແບບທີ່ດີ, ຄວນໄດ້ຮັບການຜັນຂະຫຍາຍຢູ່ Venezuala.