ຫວຽດນາມແມ່ນຕະຫລາດໄດ້ຮັບບຸລິມະສິດຕົ້ນຕໍຈາກຍີ່ປຸ່ນ
ທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢູງ ຕ້ອນຮັບທ່ານ Ueda Kiyoshi, ເຈົ້າແຂວງແຂວງ Saitama
ພາບ:TTXVN
|
(vovworld)- ຕອນບ່າຍວັນທີ 26/10, ຢູ່ ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢູງ ໄດ້ຕ້ອນຮັບທ່ານ Ueda Kiyoshi, ເຈົ້າແຂວງແຂວງ Saitama ປະເທດ ຍີ່ປຸ່ນ ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ຢືນຢັນວ່າ: ນະໂຍບາຍສະເຫມີຕົ້ນສະເຫມີປາຍຂອງຫວຽດນາມ ແມ່ນຈະມານະພະຍາຍາມຈົນສຸດຄວາມສາມາດຂອງຕົນເພື່ອພ້ອມກັບຍີ່ປຸ່ນ ສືບຕໍ່ຜັນຂະຫຍາຍ ການພົວພັນຄູ່ຮ່ວມມືຍຸດທະສາດຢ່າງເລິກເຊິ່ງ ກວ້າງຂວາງ ລະຫວ່າງສອງປະເທດ ຢ່າງຮອບດ້ານ ແລະ ມີປະສິດທິຜົນກວ່າ ເພື່ອຜົນປະໂຫຍດ ແລະ ການພັດທະນາລວມຂອງທັງຫວຽດນາມ ແລະ ຍີ່ປຸ່ນ. ທ່ານນາຍົກລັດຖະມົນຕີ ຫງວຽນເຕີນຢູງ ປາດຖະຫນາຢາກບັນດາວິສາຫະກິດຂອງແຂວງ Saitama ສືບຕໍ່ຊຸກຍູ້ບັນດາການເຄື່ອນໄຫວຮ່ວມມືລົງທຶນຢູ່ບັນດາທ້ອງຖິ່ນຂອງຫວຽດນາມ. ພ້ອມທັງຢາກການນຳແຂວງ Saitama ສືບຕໍ່ສົມທົບຢ່າງແຫນ້ນແຟ້ນກັບບັນດາກະຊວງ, ຂະແຫນງການກ່ຽວຂ້ອງຂອງສອງປະເທດໃນການຫນູນຊ່ວຍ, ແກ້ໄຂຄວາມຫຍຸ້ງຍາກໃຫ້ບັນດາວິສາຫະກິດແຂວງ Saitama ເມື່ອມາລົງທຶນຢູ່ຫວຽດນາມ. ສ່ວນທ່ານ Ueda Kiyoshi ໃຫ້ຮູ້ວ່າ: ບັນດາວິສາຫະກິດຍີ່ປຸ່ນ ເອົາໃຈໃສ່ເປັນພິເສດເຖິງຕະຫລາດ ຫວຽດນາມ ແລະ ຖືຕະຫລາດ ຫວຽດນາມ ແມ່ນຫນຶ່ງໃນບັນດາຕະຫລາດໄດ້ຮັບບຸລິມະສິດຕົ້ນຕໍໃນຍຸດທະສາດຮ່ວມມືລົງທຶນຢູ່ຕ່າງປະເທດ, ເປັນຕົ້ນແມ່ນລົງທຶນໃນບັນດາຂົງເຂດມີທ່າແຮງ.