ຫວຽດນາມ ຍູ້ແຮງການປົກປ້ອງ ສິດຂອງຜູ້ອຸປະໂພກບໍລິໂພກ
|
ຜູ້ອຸປະໂພກບໍລິໂພກຕ້ອງມີສິດເລືອກເຟັ້ນສິນຄ້າ
ພາບປະກອບ: internet
|
(vovworld) - ເນື່ອງໃນໂອກາດ “ວັນແຫ່ງສິດຂອງຜູ້ອຸປະໂພກບໍລິໂພກ” ຕອນເຊົ້າວັນທີ 15/3 ຢູ່ ນະຄອນໂຮ່ຈິມີນ ໄດ້ດຳເນີນງານຊຸມນຸມມິດຕິງລະນຶກວັນດັ່ງກ່າວພາຍໃຕ້ຫົວຂໍ້ວ່າ: “ປົກປ້ອງສິດຂອງຜູ້ອຸປະໂພກບໍລິໂພກແມ່ນປົກປ້ອງພວກເຮົາເອງ.” ກ່າວຄຳເຫັນນະພິທີ, ທ່ານ ເຈີນກວກຕວັນ, ຮອງລັດຖະມົນຕີກະຊວງອຸດສາຫະກຳ ແລະ ການຄ້າຫວຽດນາມ ໄດ້ເນັ້ນຫນັກວ່າ: ຢູ່ ຫວຽດນາມ ວຽກງານປົກປ້ອງສິດຜົນປະໂຫຍດຂອງຜູ້ອຸປະໂພກບໍລິໂພກທີ່ພວມໄດ້ຮັບຄວາມເອົາໃຈໃສ່ເປັນພິເສດຈາກພັກ ແລະ ລັດ, ພົ້ນເດັ່ນແມ່ນການປະກາດໃຊ້ກົດໝາຍວ່າດ້ວຍການປົກປ້ອງສິດຜົນປະໂຫຍດຂອງຜູ້ອຸປະໂພກບໍລິໂພກດ້ວຍບັນດາສິດລະອຽດຄື: ສິດໄດ້ຮັບຄວາມປອດໄພ, ສິດໄດ້ຮັບຂ່າວຄາວ, ສິດໃນການເລືອກເຟັ້ນ, ສິດໄດ້ຮັບຟັງ... ກ່ຽວກັບການຜັນຂະຫຍາຍບັນດາມາດຕະການຮັບປະກັນສິດຂອງ ຜູ້ອຸປະໂພກບໍລິໂພກ, ທ່ານ ເຈີນວິນຍູງ, ຮອງຫົວຫນ້າພະແນກອຸດສາຫະກຳການຄ້າ ນະຄອນໂຮ່ຈິມີນ ຊີ້ແຈງວ່າ:
“ພວກເຮົາຕ້ອງໂຄສະນາຢ່າງກວ້າງຂວາງເພື່ອໃຫ້ ຜູ້ອຸປະໂພກບໍລິໂພກຮູ້ຈັກເຖິງສິດຜົນປະໂຫຍດຂອງຕົນຊຶ່ງໄດ້ຢັ້ງຢືນໃນກົດໝາຍປົກປ້ອງສິດຜົນປະໂຫຍດຂອງ ຜູ້ອຸປະໂພກບໍລິໂພກ ຫວຽດນາມ. ເຖິງຢ່າງໃດກໍຕາມ, ເພື່ອໃຫ້ກົດໝາຍໄດ້ຮັບການສະຫນັບສະຫນູນຈາກທຸກຄົນ ແລະ ປະຕິບັດຢ່າງເຂັ້ມງວດ, ເລື່ອງໂຄສະນາ ແລະ ເຜີຍແຜ່ການສຶກສາທາງດ້ານກົດໝາຍ ແມ່ນສິ່ງຈຳເປັນທີ່ສຸດ. ວຽກງານນີ້ໄດ້ທາງນະຄອນຈະຍູ້ແຮງໃນໄລຍະຈະມາເຖິງ.”