(vovworld) - ວັນທີ 5/3, ຢູ່ ຮ່າໂນ້ຍ, ທ່ານລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຮ່ວາງຕວນແອງ ພ້ອມກັບ ທ່ານລັດຖະມົນຕີກະຊວງແຫຼ່ງຊັບພະຍາກອນມະນຸດ ຮູງກາຣີ Balog Zoltan ໄດ້ເຊັນສັນຍາຮ່ວມມືດ້ານວັດທະນະທຳລະຫວ່າງ ຫວຽດນາມ - ຮູງກາຣີ. ຕາມນັ້ນແລ້ວ, ຫວຽດນາມ ແລະ ຮູງກາຣີ ຈະຮ່ວມມືໃນ 3 ຂົງເຂດ: ວັດທະນຳທຳ, ກິລາ ແລະ ທ່ອງທ່ຽວ. ໂດຍລະອຽດແມ່ນ, ກ່ຽວກັບດ້ານວັດທະນະທຳ, 2 ຝ່າຍຈະຄົ້ນຄ້ວາຄວາມສາມາດສົມທົບກັນຈັ້ດຕັ້ງງານວາງສະແດງພາບແຕ້ມ, ຮູບຖ່າຍ, ເຄື່ອງສິລະປະຫັດຖະກຳ, ສົ່ງຄະນະສິລະໄດ້ປະພົບປະແລກປ່ຽນເຊິ່ງກັນ ແລະ ກັນ, ຈັດຕັ້ງສັບປະດາສາຍຟິມຮູບເງົາ. ກ່ຽວກັບດ້ານກິລາ, 2 ຝ່າຍສະໜັບສະໜູນ ແລະ ຊຸກຍູ້, ສ້າງເງື່ອນໄຂສະດວກໃຫ້ບັນດາການເຄື່ອນໄຫວຮ່ວມມື, ພົບປະແລກປ່ຽນ, ຝຶກແອບ, ແຂ່ງຂັນລະຫວ່າງ 2 ປະເທດ, ຄົ້ນຄ້ວາຄວາມສາມາດຈັດຕັ້ງການເຄື່ອນໄຫວແຂ່ງຂັນກິລາມິດຕະພາບ. ກ່ຽວກັບດ້ານທ່ອງທ່ຽວ, 2 ຝ່າຍສົ່ງເສີມບັນດາວິສາຫະກິດທ່ອງທ່ຽວ ຂຸດຄົ້ນຕະຫຼາດທ່ອງທ່ຽວ, ຈັດຕັ້ງກອງປະຊຸມສຳມະນາແນະນຳຄວາມສາມາດບົ່ມຊ້ອນດ້ານການທ່ອງທ່ຽວຂອງທັງ 2 ຝ່າຍ, ພ້ອມທັງຄົ້ນຄ້ວາບັນດາສາຍການບິນທີ່ສະດວກສະບາຍ ເພື່ອແນໃສ່ເພີ່ມທະວີ, ສົ່ງເສີມແຂກທ່ອງທ່ຽວມາຢ້ຽມຢາມຢູ່ 2 ປະເທດ.