(vovworld) - ວິທີລົບລ້າງອາວຸດລ້າງຜານ ແລະ ວິວັດທະນາການປອດນິວເຄຼຍໃນແຫຼມເກົາຫຼີ ແມ່ນເນື້ອໃນເຊິ່ງບັນດາຜູ້ແທນຂອງປະເທດຕ່າງໆໄດ້ສຸມໃສ່ປຶກສາຫາລືຢູ່ທີ່ກອງປະຊຸມຄົບຄະນະ ເວທີປາໄສການເຈລະຈາຍຸດທະສາດປ້ອງກັນຊາດເຊີອູນ 2012 (SDD 2012), ເຊິ່ງດຳເນີນໄປຢູ່ສ.ເກົາຫຼີ ໃນວັນທີ 15/11. ພົນຈັດຕະວາ Nguyen Dinh Chien, ຫົວໜ້າສະຖາບັນຍຸດທະສາດປ້ອງກັນຊາດຫວຽດນາມ ໄດ້ກ່າວຄຳເຫັນທີ່ເວທີປາໄສ ໂດຍຢືນຢັນວ່າ ຫວຽດນາມ ສະໜັບສະໜູນເລື່ອງບໍ່ແຜ່ຂະຫຍາຍ ແລະ ກ້າວໄປເຖິງຄວາມມານະພະຍາຍາມລົບລ້າງອາວຸດນິວເຄຼຍ ແລະ ອາວຸດລ້າງຜານອື່ນໆຢ່າງສີນເຊິ່ງ. ທ່ານກໍ່ເນັ້ນໜັກເຖິງບັນດາຄວາມມານະພະຍາຍາມໃນຂົງເຂດບໍ່ແຜ່ຂະຫຍາຍອາວຸດນິວເຄຼຍ ບໍ່ໄພຟືນກັບສິດອັນຊອບທຳຂອງບັນດາປະເທດ, ພິເສດແມ່ນບັນດາປະເທດພວມພັດທະນາໃນການນຳໃຊ້ພະລັງງານນິວເຄຼຍເຂົ້າໃນຈຸດປະສົງສັນຕິພາບ. ຫວຽດນາມ ຄັດຄ້ານການສວຍໃຊ້ກົນອຸບາຍຕ້ານການແຜ່ຂະຫຍາຍອາວຸດລ້າງຜານ ເພື່ອແຊກແຊງເຂົ້າວຽກງານພາຍໃນຂອງປະເທດອື່ນ. ກ່ຽວກັບບັນຫານິວເຄຼຍໃນແຫຼມເກົາຫຼີ ທ່ານຢືນຢັນວ່າ ຍາມໃດຫວຽດນາມ ກໍສະໜັບສະໜູນການໄກເກ່ັຍ, ຮ່ວມມື, ສັນຕິພາບເອກກະພາບລະຫວ່າງສປປ. ເກົາຫຼີ ແລະ ສ.ເກົາຫຼີ ແລະ ພ້ອມແລ້ວທີ່ຈະໃຫ້ການປະກອບສ່ວນເຂົ້າໃນບັນດາວິວັດການນີ້ຕາມຄວາມສາມາດຂອງຕົນ.