ອະດີດປະທານາທິບໍດີອີຢິບ ໄດ້ຖືກສະເໜີຕັດສິນ ລົງໂທດປະຫານຊີວິດ
ອະດີດປະທານາທິບໍດີອີຢິບ Hosni Mubarak ໄດ້ຖືກສະເໜີຕັດສິນລົງໂທດປະຫານຊີວິດ ດ້ວຍການກ່າວຫາທີ່ ໄດ້ອອກຄຳສັ່ງເຂັ່ນຂ້າ ບັນດາຜູ້ແຫ່ຂະບວນປະທ້ວງຕ້ານລະບອບ. ທີ່ ວາລະປະຊຸມສານຂອງສານອາຍາ ກາຍໂຣ, ວັນທີ 5/1, ຫົວໜ້າໄອຍະການອີຢິບ, ທ່ານ Mustafa Suleiman ຖືວ່າ: ທ່ານອະດີດປະທານາທິບໍດີ Mubarak ຕ້ອງຮັບຜິດຊອບກ່ຽວກັບການເຂັ່ນຂ້າບັນດາຜູ້ແຫ່ຂະບວນປະທ້ວງທີ່ເຂົ້າຮ່ວມການແຫ່ຂະບວນປະທ້ວງຕ່າງໆ ເພື່ອໂຄ່ນລົ້ມລະບອບໃນຕົ້ນປີ 2011. ທ່ານ Suleiman, ກໍ່ກ່າວຫາ ທ່ານ Mubarak ວ່າພາຍຫຼັງໄດ້ຮັບຂ່າວກ່ຽວກັບການເຂັ່ນຂ້າບັນດາຜູ້ແຫ່ຂະບວນປະທ້ວງແຕ່ທ່ານບໍ່ມີການກະທຳໃດໆເພື່ອສະກັດກັ້ນບັນດາການເຂັ່ນຂ້າດັ່ງກ່າວ. ອະດີດລັດຖະມົນຕີກະຊວງພາຍໃນ, ທ່ານ Habib el Adli ແລະ ເຈົ້າໜ້າທີ່ປ້ອງກັນຄວາມສະຫງົບຂັ້ນສູງອື່ນ ເຊິ່ງແມ່ນບັນດາຜູ້ຖືກພິພາກສາໃນວາລະປະຊຸມສານນີ້, ກໍ່ຖືກຕັດສິນລົງໂທດໃນລະດັບດຽວກັບທ່ານ Mubarak. ຄາດວ່າ, ວາລະປະຊຸມສານຕໍ່ໄປຈະດຳເນີນໃນວັນທີ 9 ແລະ 10/1 ຈະມາເຖິງ.